18 හැවිරිදි තරුණියක් දූෂණය කිරීමේ චෝදනාවට වරදකරු වූ නේපාලයේ ජාතික ක්රිකට් කණ්ඩායමේ හිටපු නායක සංදීප් ලමිචනේට එරට අධිකරණයක් වසර අටක සිර දඬුවමක් නියම කර තිබේ.
සිර දඬුවමට එරෙහිව ඉහළ උසාවියේ අභියාචනයක් ඉදිරිපත් කරන බව ඔහුගේ නීතීඥවරයා ප්රකාශ කළේය.
ෙ23 හැවිරිදි ලමිචනේ නේපාලයේ ක්රිකට් ක්රීඩාවේ සංකේතයක් වි සිටියේය. ඉන්දියාව, ඕස්ට්රේලියාව, පාකිස්තානය සහ බටහිර ඉන්දීය කොදෙව්හි ප්රමුඛ පෙළේ විස්සයි20 ලීගවලට සහභාගී වූ හිමාලයානු රටේ එකම ක්රීඩකයා වූයේය.
මෙම පා දඟ පන්දු යවන්නාගේ පිටියේ සාර්ථකත්වය නේපාලයේ ක්රිකට් ක්රිීඩාවේ ගෞරවය ඉහළ නැන්වීය.
2022 දී කත්මණ්ඩු හෝටලයකදී තරුණියක් දූෂණය කළ බවට ඔහුට චෝදනා එල්ල වූ අතර පොලිසිය ඔහු අත්අඩංගුවට ගැනීමේ වරෙන්තුවක් නිකුත් කිරීමෙන් පසු අත්අඩංගුවට ගනු ලැබීය. පසුව ඔහු ඇප මත නිදහස් වූයේය. අනතුරුව ජාත්යන්තර තරඟාවලි සඳහා තරඟ කිරීමට නැවත සංචිතයට ද ඇතුළත් විය.
නැවත නැවතත් ප්රමාද වූ නඩු විභාගයකින් පසු පසුගිය මාසයේ ලැමිචනේ ස්ත්රී දූෂණයට වැරදිකරු විය. ඔහුගේ නීතීඥවරයා දඬුවම් නියම කිරීමට පෙර කියා සිටියේ ලැමිචනේ ඔහුට එල්ල වූ චෝදනාවට එරෙහිව අභියාචනයක් ඉදිරිපත් කරන බවය.
කත්මණ්ඩු දිස්ත්රික් උසාවියේ නිලධාරි චන්ද්ර ප්රසාද් පාන්ති පැවසුවේ ලමිචනේ දඩයක් ලෙස ඩොලර් 3,770 ක් පමණ ගෙවිය යුතු බවත් වින්දිතයාට වෙනම වන්දියක් ගෙවිය යුතු බවත්ය.
“අධිකරණයේ තීන්දුව ගැන අපට ඒත්තු ගැන්වෙන්නේ නෑ … අධිකරණය සංදීප් වැරදිකරුවෙකු බව ප්රකාශ කර තිබෙනවා. යුක්තිය සඳහා සන්දීප් ඉහළ උසාවියට යනු ඇති, ”නීතිඥ සරෝජ් ගිමිරේ බදාදා රොයිටර් පුවත් ඒජන්සියට පැවසීය.
