ශ්‍රී ලංකා පිළේ ආරම්භක පිතිකරු ලෙස ක්‍රීඩා කිරීමට නියමිතව සිටි පැතුම් නිස්සංකට සිම්බාබ්වේට එරෙහිව අද (6) පැවැත්වෙන පළමු එක්දින ක්‍රිකට් තරගය අහිමි වී තිබෙනවා.
ශ්‍රී ලංකා ක්‍රිකට් පිලේ කළමනාකරු මහින්ද හලන්ගොඩ මහතාගෙන් මේ පිළිබඳව කළ විමසුමකදී පැවසුවේ පැතුම්ට ‘ඩෙංගු’ උණ වැළදී ඇති බවට සැක කරන බවයි.
මේ වන විට ඔහු කොළඹ ප්‍රධාන පෞද්ගලික රෝහලකට යොමුකර තිබෙන බවයි වාර්තා වන්නේ.
ඒ අනුව ශෙවෝන් ඩැනියෙල් සංචිතයට කැඳවා තිබෙනවා.
