ඊයේ (24) තිස්සමහාරාම අකුරුගොඩ සීමාවේ දී පුද්ගලික බස් රථයක ගැටී ආධුනික කොස්තාපල්වරයෙකු මියගොස් තිබෙනවා.
ඒ බව කතරගම පොලිසිය සඳහන් කළේ ය.
මෙලෙස මිය ගියේ ඓතිහාසික රුහුණු මහා කතරගම දේවාලයේ රාජකාරි සඳහා යොදවා සිටි කතරගම පොලිසියට අනුයුක්ත ආධුනික කොස්තාපල්වරයෙකු ය.
ඔහු වැලිමඩ ඩවුන්සන්වත්ත ප්‍රදේශයේ පදිංචි වී. කරන් නැමැති කොස්තාපල්වරයෙක් ය.
මෙම නිලධාරියා තවත් පොලිස් නිලධාරියෙකු සමග සිවිල් ඇඳුමෙන් සැරසී පුද්ගලික යතුරු පැදියකින් තිස්සමහාරාම සහකාර පොලිස් අධිකාරී කාර්යාලය වෙත රාජකාරී අවශ්‍යතාවයකට ගොස් තිබෙනවා.
එහිදී මාතර සිට කතරගම බලා ධාවනය වෙමින් තිබූ පුද්ගලික බස් රථයක අකුරුගොඩ සීමාවේ දී ගැටී ඇත.
ඒ හේතුවෙන් බරපතල තුවාල ලබා දෙබරවැව මූලික රෝහල වෙත ඇතුළත් කිරීමෙන් අනතුරුව ඔහු මිය ගොස් ඇත.
