ඊයේ දින මල්වතුහිරිපිටිය කහටාන ගණාරාම විහාරස්ථානය තුළ දි වෙඩි තබා ඝාතනය කළ පූජ්‍ය කලපලුවාවේ ධම්මරතන හිමියන් ඝාතනය කිරීමේ අපරාධයට ඝාතයින් පැමිණි බවට සැකකරන කාර් රථය කඩුවෙල පොලිස් වසමේදි ගිනි තබා ඇති බවට මෙතෙක් සිදුකරන ලද විමර්ශන වලදී අනාවරණය වී ඇත.
කඩුවෙල පොලිස් වසමේ කැලෑවක් අසල පාලු ස්ථානයක දී මෙසේ රථයට ගිනි තබා ඝාතකයින් පලාගොස් තිබේ.
විමර්ශන ඇරඹු පොලිසියට ඝාතකයින් පැමිණි මොටර් රථයේ අංකය වන CAO-5345 අංකයම දරන සුදු පැහැති මෝටර් රථයක් පානදුර එළුවිල ප්‍රදේශයේ ගරාජයකින් ද හමුවී තිබේ.
මේ අනුව දැනට සිදුකළ විමර්ශනවල දී තහවුරු වන්නේ ව්‍යාජ අංක තහඩුවක් සහිතව අපරාධය සඳහා පැමිණි ඝාතකයන් අවසානයේ දී තමන් පැමිණි රථය ද විනාශ කර පලා ගොස් ඇති බවය.
සැකකරුවන් සොයා වැඩිදුර විමර්ශන සිදුකරනු ලබයි.
