‘ලක් අම්මයි යක්ඛ පුතයි…!’ දමිතා අබේරත්නගෙයි ඩෑන් ප්‍රියසාද්ගෙයි ෆොටෝ සමාජ මාධ්‍ය ජාලා හොල්ලයි! දෙන්නා කසාද බැඳලද? බබෙක් හම්බවෙන්න ඉන්නවද?

ඇතැම් අවස්ථාවදී සමාජයේ යම් ප්‍රසිද්ධියක් උසුලන පුද්ගලයන්ගේ වෘත්තිමය ජීවතයත්, දේශපාලනමය නැඹුරුතාවන් සහ පෞද්ගලික ජීවිතයත් අතර දෝලනය වන තොරතුරු අළලා නොමග යවන සුළු හෝ අසත්‍ය තොරතුරු සමාජ මාධ්‍ය ඔස්සේ සංසරණය වනවා. එලෙසින් නොමග යන සුළු කරුණු ඇතුළත් සමාජ මාධ්‍ය ඡායාරූප සටහනක නිවැරදි කරුණු සොයා අප සිදු කළ විමර්ශනයයි මේ.Sri Lanka Latest News

සමාජ මාධ්‍ය සටහන් :

“ලක් අම්මයි යක්ඛ පුතයි” යනුවෙන් සඳහන් කරමින් දමිතා අබේරත්න මහත්මිය සහ ඩෑන් ප්‍රියසාද් මහතාගේ ඡායාරූප කිහිපයක් සමාජ මාධ්‍ය ඔස්සේ සංසරණය වූයේ එම ඡායාරූප මෑතකදී ලබා ගත් ඡායාරූපයක් බව හඟවමින්.

  

මෙම තේමාවෙන් බහුල ව පළ වූ ෆේස්බුක් සටහන් කිහිපයක් පහතින්

  

මෙම සටහන් සඳහා දක්වා තිබූ ප්‍රතිචාරවලින් ද, පෙනී ගියේ මෙය මෑතකදී ලබා ගත් ඡායාරූප බවට බොහෝ දෙනා උපකල්පනය කර තිබූ බවයි.

   

මෙහි නිරවද්‍යතාවය සෙවීමට අප පියවර ගත්තේ මෙලෙසින්.

Fact Check (සත්‍ය තොරතුරු විමර්ශනය කිරීම):

2022 වසරේ සිදු වූ ‘අරගලයේ’ ක්‍රියාකාරී සාමාජිකාවක ලෙස කැපී පෙනෙන චරිතයක් වූ දමිතා අබේරත්න, එවකට පැවති ආණ්ඩුවට පක්ෂපාතීත්වයක් දැක්වූ ඩෑන් ප්‍රියසාද් සමගින්, අරගලයෙන් අනතුරුව මෙලෙස සුහදව කටයුතු කරන බව ව්‍යංගාර්ථයෙන් ගෙනහැර දැක්වීමට මෙම සටහන් මඟින් උත්සහ දරා තිබුණා.

සමාජ මාධ්‍ය ඔස්සේ පළ වූ ඉහත ඡායාරූප වල පසුබිම් කතාව සෙවීම සඳහා අප එම ඡායාරූප Reverse Image සෙවුමක් සඳහා යොමු කරනු ලැබුවා.

වසර 6 කට පෙර පළවූ වීඩියෝවක රූප රාමු පෙළක්!

ඒ අනුව, එම ඡායාරූප මීට වසර 6කට පෙර එනම් 2017 වසරේ YouTube වෙත පළ කර තිබූ ප්‍රවීණ රංගන ශිල්පිනී දමිතා අබේරත්න සහ නව සිංහලේ ජාතික සංවිධානයේ සභාපති ඩෑන් ප්‍රියසාද් රංගනයෙන් දායක වූ, මෙරට පැවති යුද්ධයේ අතුරුකතාවක් දැක්වෙන සංගීතමය වීඩියෝවකින් ලබා ගත් රූපරාමු බවට අනාවරණය වුණා.

සුසන්ත දන්දෙනිය ගී පද රචනය කළ,  නවරත්න ගමගේ ශූරීන්ගේ සංගීතය සපයන, ෂාහි පෝරුතොට ගායනය කරන ඉහත දර්ශන පෙළ අඩංගු ‘අප්පච්චී’ වීඩියෝව  href="https://www.youtube.com/watch?v=MMPJnRkub3c" target="_blank" rel="noopener">මෙතනින්.  ඒ පිළිබඳව මෙහි ගායිකාව විසින් 2017 මාර්තු පළකර තිබු ෆේස්බුක් සටහනක් ද  href="https://www.facebook.com/permalink.php?story_fbid=1875128026067656&id=100007114305729" target="_blank" rel="noopener">මෙතනින්.

නොමඟ යවන සුළු සටහන් ගැන දමිතා අබේරත්න සහ ඩෑන් ප්‍රියසාද්ගේ අදහස්

අප මේ පිළිබඳව වැඩි දුරට ත් තොරතුරු තහවුරු කර ගැනීම සඳහා දමිතා අබේරත්න මහත්මිය දුරකතන මාර්ගයෙන් සම්බන්ධ කර ගත්තා. සමාජ මාධ්‍ය ඔස්සේ නොමඟ යවන සුළු කෝණවලින් හුවමාරු වන ඡායාරූප පෙළ, අරගලයට බොහෝ කලකට පෙර තමන් රංගනයෙන් දායක වූ වීඩියෝවක් බවත්, එහි දැක්වෙන්නේ වෘත්තීමය රංගන ශිල්පිනියෙකු ලෙස තමන් ට රංගනයෙන් දායක වීමට ඇරයුම් ලැබුණු, නිෂ්පාදක විසින් තීරණය කර ඇති පිරිස සමගින් රංගනයෙන් දායක වූ අවස්ථාවක් බවයි. 

තවද තමන් පෞද්ගලිකව ඩෑන් ප්‍රියසාද් සමග කිසිදු අයුරකින් සම්බන්ධතාවයක් නොමැති බවත්, දේශපාලනික වශයෙන් ඔහුගේ දේශපාලනයට තමන් විරුද්ධ වූවත්, තමන් වෘත්තීමට රංගන ශිල්පිනියෙකු බැවින් මොන යම් හෝ රංගන කටයුත්තකදී  නිෂ්පාදක මණ්ඩලය විසින් තෝරාගත් පුද්ගලයෙකු සමගින් රංගනයෙන් දායක වීමට සිදුවේනම්, එය තමන් එය ඉටු කරන බවත්, එහිදී දේශපාලන මතය එයට බාධාවක් කර නොගන්නා බවත්, දමිතා අබේරත්න වැඩිදුරටත් පවසා සිටියා.

ඩෑන් ප්‍රියසාද් මහතාගෙන් ද, අප මේ පිළිබඳව විමසා සිටි අතර ඔහු සඳහන් කළේ ද, යුධමය වාතාවරණයෙන් අනතුරුව බොහෝ කලකට පෙර තමන් දමිතා අබේරත්න මහත්මිය සමගින් රංගනයෙන් දායක වූ වීඩියෝවක් මෙලෙසින් මෑතකදී සිදු කරන ලද වීඩියෝවක් බවට දක්වමින් මෙලෙසින් සමාජ මාධ්‍ය ඔස්සේ සංසරණය වන බවයි. කෙසේ වෙතත් කුමන දේශපාලන මත දැරුවත් ප්‍රවීණ රංගන ශිල්පිනියක් වන දමිතා අබේරත්න මහත්මිය සමඟ රංගනයෙන් දායක වීම තමන් ප්‍රතික්ෂේප නොකරන බවත්, ඇයගේ රංගනයේ ප්‍රවීණත්වයට තමන් ගරු කරන බවත්, ඔහු පවසා සිටියා.

Conclusion (අවසාන නිගමනය) :

අපගේ විමර්ශනයෙන් පෙන්වා දෙන්නේ, ප්‍රවීණ රංගන ශිල්පිනී දමිතා අබේරත්න මහත්මිය සහ නව සිංහලේ ජාතික සංවිධානයේ සභාපති ඩෑන් ප්‍රියසාද් මහතාගේ මෑතකදී සිදු කරන ලද වීඩියෝවක ඡායාරූප ලෙසින් දක්වමින් සමාජ මාධ්‍ය ඔස්සේ පළ වූ ඡායාරූප නොමග යවන සුළු බවයි. 

මෙය ‘අරගලය’ ට පෙර 2017 වසරේ YouTube හි පළ වූ සංගීතමය වීඩියෝවක් වන අතර ඒ බවට ශිල්පිනී දමිතා අබේරත්න මහත්මිය සහ ඩෑන් ප්‍රියසාද් මහතා ද, තහවුරු කරනු ලැබුවා.