"මෙන්න මේ මිනිහා මට ඉඩමට එන්න කියලා මට අතවර කරන්න හදනවා.." ඇගේ ටකරම් කටට බයේ ඔහු හැම දේම සඟවාගෙන ඉඳලා... ඒ කතාව මෙන්න....

දවස්වල ගොඩක් දේවල් වෙළඳපොලේ ගොඩක් ගණන් නේ..

ඉතින් කවුරු වුණත් බලන්නේ  අද කාලේ අඩුගානට දේවල් එකතු කරගන්න නේ... 

මේ කතාවට මුල පුරන්නේ වයස අවුරුදු 55ක කාන්තාවක්..

මේ අන්සතු ඉඩමක්.. එය පිහිටා ඇත්තේ එහි හිමිකරු පදිංචි ඉඩමේ සිට කිලෝ මීටරයක පමණ දුරින්... එම ඉඩම්වල කටයුතු කිරීමට ඔහුට ප්‍රමාණවත් වේලාවක් නොමැතිකම නිසා අඳ පංගුවට කුඹුරු ඉඩම හිතවතකුට වගා කිරීමට ලබාදුන්න...

මිණිපේ ප්‍රදේශයෙන් වාර්තා වු මේ කතාවේ එන ඉඩමේ හිමිකරු ඉතා ගුණ යහපත් මනා චරිතයකින් හෙබි 51 හැවිරිදි වියේ පසු වන ඔහු තිදරු පියෙක්.. පළාතේ රාජ්‍ය ආයතනයක සැලකිය යුතු රැකියාවක් කරන ඔහුට පිය උරුමයෙන් ලැබුණු ගොඩ ඉඩමක් සහ කුඹුරු ඉඩමක්ද හිමිව තිබිණා..

ගොඩ ඉඩමේද පොල් පුවක් කෙසෙල් ගම්මිරිස් වැනි වගා ඇති අතර සති දෙක තුනකට වරක් එහි ගොස් වගා කටයුතු සොයා බැලීම ඔහුගේ පුරුද්දක්..

මෙහි ඇති වගාවල බොහොමයක් අස්වනු අසල්වාසීන් භුක්ති විඳින්නේ හොර රහසේයි... විවේකයක් ලද ඔහු මෙදින දිවා කාලයේ සිය ඉඩමට යද්දී ඈත තියාම දැකගත හැකි වූයේ කාන්තාවක ඉඩමේ ඇති පොල් ගස්වලින් ගෙඩි කඩා ඒවා අහුලමින් සිටින අයුරුයි..

ඔහු එම ස්ථානයට ගියත් ඇය තම ඉඩමකින් ගෙඩි කඩා අහුලා ගන්නා විලසින් එම කාර්යයේ නිරතව සිටියාය. ඇය අසල ඉඩමක පදිංචි 55 හැවිරිදි වියේ පමණ පසුවන තමන් දන්නා හඳුනන කාන්තාවක බව ඔහු හඳුනා ගෙන තිබුණා..

ඔහු කැඩූ පොල් අහුලමින් සිටි කාන්තාව ආසන්නයට ගියා... “මේවා තමන්ලාගේ අම්මාගේ අප්පගේ දේපළ කියලා හිතාගෙනද අපි නැති අතරේ මේවා කඩා වඩා ගන්නේ...? කැත වැඩ කරන්න එපා... අද අහුලාගත්තු පොල් ටික අරන් ගියාට කමක් නැහැ... මින් මත්තට මේ වාගේ හොරකම් කළොත් බඩුත් එක්ක පොලිසියට අල්ලා දෙනවා.” ඔහු ඇයට අවවාද කළා...

“පුළුවන්නම් අද පොලිසියට අල්ලා දෙන්න... එහෙම කළොත් මුළු ගමටම ඇහෙන්න ‘මෙන්න මේ මිනිහා මට ඉඩමට එන්න කියලා මට අතවර කරන්න හදනවා’ කියලා කෑගහනවා....” අවවාදයෙන් උරණ වූ ඇය ඔහුට දැඩි ස්වරූපයෙන් පැවැසුවේ ඇඟිල්ල ද දිගු කරමින්..

ඇය එසේ පවසනවාත් සමගම ඔහු ඉදිරියට තැබූ පය අඩියක් පස්සට ගෙන ආපසු හැරී නිවෙසට විත් සිය බිරිඳට සිද්ධිය විස්තර කර පැවැසුවේ නැවත ඉඩමට යන කොට මාත් එක්ක යන්න එන්න.. එහෙම නොවුණොත් මේ හොරු හින්දා මට හිරෙත් ළගින්න වෙනවා යැයි කියමිනි..