ඒ එම තරගයේ පිළිතුරු ඉනිම ක්‍රීඩා කරමින් සිටින අතරතුර Mehidy Hasan Miraz දැවීයාමත් සමග බංග්ලාදේශ ක්‍රීඩක Taijul Islam පිටියට පැමිණි අවස්ථාවයි.
එහිදී ඔහු ආරක්ෂක උපකරණයක් (ball guard) පැළඳ නොපැමිණීම හේතුවෙන් නැවත ක්‍රීඩාගාරය දෙසට හැරී යයි.
කෙසේ වෙතත් එම අවස්ථාවේදී ඔහුගේ අමතකවීමට විරුද්ධව ශ්‍රී ලංකා ක්‍රීඩකයින් කිසිදු තැකීමක් නොකළ අතර එම සිදුවීම දැක්වෙන වීඩියෝව මේ වනවිට සමාජ මාධ්‍ය ඔස්සේ සංසරණය වෙමින් ඇත.
එහිදී ඔහු නොදැවී පන්දුවට පහරදෙමින් ලකුණු 39ක් රැස්කරගත්තේය.
මෙම තරගයේ වීරයා මැතිව්ස් වූ අතර ඔහු ලකුණු 87ක් රැස්කරගත් අතර එම තරගාවලියේ ජයග්‍රහණය ද ශ්‍රී ලංකා කණ්ඩායමට හිමිවිය.
මේ අතර ඊයේ පැවති තරගයෙන් අනතුරුව මාධ්‍ය වෙත අදහස් දැක්වූ ඇන්ජලෝ මැතිව්ස් එම තරගය අතරතුර තමන් මුහුණදුන් සිදුවීම පිළිබඳව පැවසුවේ මෙවැන්නක්.
"බොහෝම කනගාටුදායකයි ඒ අවස්ථාවේදී බංග්ලාදේශ කණ්ඩායම ක්‍රීඩා කරපු විලාශය. Mankading හරි Obstructing the field නම් කමක් නෑ. මම විනාඩි 2 ඇතුළත ක්‍රීස් එකට ඇවිල්ලා. ක්‍රීස් එකේදී තමයි මගේ හෙල්මට් එක ගැලවුණේ. ඒක හොඳටම විනිසුරුවරු දැක්කා. මට තව තත්පර 5ක් තිබ්බා හෙල්මට් එක කැඩුනාට පස්සෙත්. ඉතින් මම හෙල්මට් එක පෙන්නුවාට පස්සේ ටික වෙලාවකින් කියනවා ඒගොල්ලෝ ඇපිල් කරා කියලා. ඉතින් මම ඇහුවා මගේ විනාඩි දෙක පැනලත් නෑ. මොකද මේ ඔක්කොම වීඩියෝ සාක්ෂි එක්ක තියෙනවා. ඊටපස්සේ විනිසුරු දැන් පුහුණුකරුවන්ට කියලා තියෙනවා එයාලට ආයෙත් පරීක්ෂා කරන්න තිබුණා කියලා. දෙයක් වුණාට පස්සේ වැඩක් නෑ. ඒ වෙලාවේ පරීක්ෂා කරන්න තමයි ඕන. මොකද තාක්ෂණය තියෙනවා විනිසුරුවරුන්ට බලන්න පුළුවන් ඒ වෙලාව. මට ඒක කියන්න වචනයක් නෑ. අවුරුදු 15කට මම දැකලා නෑ මෙච්චර පහත් තත්ත්වයකට වැටෙනවා කණ්ඩායමක් සහ ක්‍රීඩකයෙක්."
