මෙලෙස ජීවිතක්ෂයට පත්ව ඇත්තේ කැබිතිගොල්ලෑව පොලිස් කොට්ඨාසයට අනුයුක්තව සේවය කළ මිහින්තලේ, නාමල්වැව පදිංචිව සිටි බී. සුනිල් චන්ද්‍රසිරි නමැති 58 හැවිරිදි පොලිස් පරීක්ෂකවරයෙකි.
පසුගිය ඔක්තෝම්බර් 08 දා අනුරාධපුර, ත්‍රිකුණාමලය ඒ 12 මාර්ගයේ, වේලංකුලම හංදිය අසලදී මිහින්තලේ දෙස සිට සීප්පුකුලම දෙසට ධාවනය වෙමින් තිබූ වැගන්ආර් වර්ගයේ කාර් රථයක් සහ එම දිශාවටම ගමන් කළ යතුරුපැදියක් එකිනෙක ගැටී මෙම අනතුර සිදුව තිබූ බව පොලිසිය කියයි. අනතුරින් බරපතළ තුවාල ලැබූ යතුරුපැදියේ පැදිකරු වන පොලිස් පරීක්ෂකවරයා ප්‍රතිකාර සඳහා අනුරාධපුර ශික්ෂණ රෝහල වෙත ඇතුළත් කර ප්‍රතිකාර ලබමින් සිටියදී ඊයේ (03 දා) අලුයම 2.55ට පමණ ජීවිතක්ෂයට පත්වූ බව රෝහල් ආරංචි මාර්ග සඳහන් කළේය. එම අනතුර සම්බන්ධ මෝටර් රථයේ පැදිකාරිය වන අඹන්පොල පොලිස් ස්ථානයට අනුයුක්තව රාජකාරි කරනු ලැබූ කාන්තා පොලිස් සැරයන් වරියක් අත්අඩංගුවට ගෙන අධිකරණයට ඉදිරිපත් කර තිබුණි.
මිහින්තලේ – රංග චතූ
