නිවසට පස් කන්ද වැටී තරුණියන් දෙන්නෙකු මියයාමේ හාලිඇළ ඛේදවාචකය!

“එදා හවස හතර හමා­රට විතර මහා සද්ද­යක් ඇහුණා. අපි ගිහින් බල­න­කොට අක්කලා දෙන්නා ඒ අය හිටිය ඇඳත් එක්කම සම්පූ­ර්ණ­යෙන්ම පස්ව­ලට යට­වෙ­ලයි තිබුණේ. පස්සේ කට්ටිය ඇවිත් ඒ අය රෝහ­ලට අරන් ගියා. ඒත් මෙහෙම දෙයක් වෙයි කිය­ලා­නම් අපි හිතුවේ නෑ.“

පෙරේදා (22) සවස හාලි­ඇළ උඩු­වර කැන්ද­ගොල්ල පතනේ නිවෙ­ස­කට පස් කන්දක් කඩා වැටී­මෙන් තරු­ණි­යන් දෙදෙ­නකු මිය­යෑම ගැන ප්‍රදේ­ශයේ පදිංචි තරු­ණි­යක වන එම්. නිශා­න්තිනී මෙන­විය පැව­සු­වාය.

කැන්ද­ගොල්ල පතන, 7 කණුව, උඩු­වර, හාලි­ඇළ ලිපි­නයේ පදිං­චිව සිටි විශ්ව­නා­දන් දනූෂා (22) හා මධ්‍යම පන්තික නිවාස, හාලි­ඇළ ලිපි­නයේ පදිං­චිව සිටි අම්බ­ල­ගම් කීර්තිනා (21) නම් තරු­ණි­යන් දෙදෙනා මෙසේ මිය­ගොස් තිබිණි.

සිද්ධිය වන විට අදාළ නිවසේ වැඩි­හි­ටි­යන් වැලි­මඩ ප්‍රදේ­ශයේ මළ­ගෙ­ද­ර­කට සහ­භා­ගි­වී­මට ගොස් සිට ඇතැ­යිද නිවසේ සිටි තරු­ණි­යගේ තනි­යට හාලි­ඇළ මධ්‍යම පන්තික නිවාස සංකී­ර්ණයේ කුලී නිව­සක පදිං­චිව සිටි ඇගේ ඥාති සොහො­යු­රි­යක වන කීර්තිනා ඒ නිව­සට ගොස් සිටි බව පැවසේ.

මේ නාය­යෑමේ සිද්ධි­යෙන් පසු අවට පිරිස් සමඟ සිද්ධිය වූ ස්ථාන­යට ගිය නිශා­න්තිනී මෙසේද පැව­සුවාය.
 

“එදා දවල් ඉඳන්ම වැස්ස. හවස වැස්ස වැඩි­වුණා. දනූෂා අක්කලා ගෙදර අනික් අය ඒ වෙලාවේ හිටියෙ නෑ. අක්කලා දෙන්න විත­රයි ගෙදර හිටියේ. අපි යන­කොට ගේ පිටි­පස්සෙ වේල්ල කඩා­වැ­ටිලා මහ පස් කන්දක් බිත්ති­යත් කඩා­ගෙන ගේ ඇතු­ළට ගිහින් තිබුණා.“

සිද්ධිය වූ නිවෙ­සට ඉහ­ළින් පිහිටි නිව­සක පදිංචි එල්.ජී. කුස­ලා­වතී මහ­ත්මිය මෙසේ පැව­සු­වාය.

“මේ දවස් ටිකේම හොඳ­ටම වැස්ස නිසා මේ අවට ගෙවල් කීප­ය­ක­ටම මෙහෙම වේලි කඩා වැටුණා. ඒත් වැස්ස සද්දෙ නිසා සිද්ධිය වෙන­කොට හරි­යට ඇහුණේ නෑ. අපිත් ගියේ අවට අය කෑග­හන සද්දෙට. මේ අයගේ නෑදෑ වෙන ළම­ය­කුත් ඒ ගෙද­රට ඇවිත් ඉඳලා තියෙ­නවා. මේ ළමයි දෙන්නාම ඉඳල තියෙන්නේ වේල්ල පැත්ත­ටම තිබුණු ගෙයි පිටි­පස්සේ කාම­රේක. ගෙදර වැඩි­හි­ටි­යන් මේ වෙලාවේ හිටි­ය­නම් ගෙද­රට හානි වුණත් ළමයි දෙන්නගේ ජීවිත බේරා­ගන්න තිබුණා.“

එහිදී ප්‍රදේ­ශ­වා­සි­යකු වන රුව­යි­ස්ඩීන් මහතා මෙසේ සඳ­හන් කළේය.
 

“එදා හව­සත් වෙනදා වගේම මහ වැස්ස. හවස හතර හමා­රට පහට විතර සද්ද­යක් ඇහුණා. ටික වෙලා­ව­කට පස්සේ මේ මිය­ගිය දුව­කුගේ අම්මා ඇවිත් කෑග­හ­මින් අපට කතා කළා. අපේ ගෙද­රට වේල්ල ඇවිල්ලා. දුලා දෙන්නා ගේ ඇතුළේ. කියලා කෑගැ­හුවා. අපි ගිහින් බල­න­කොට ළමයි දෙන්නාම පස්ව­ලට යට­වෙලා. හාලි­ඇළ පොලි­සියේ නිල­ධා­රි­නුත් ආවා. අපි පස් අයින් කර ළමයි දෙන්නා ගොඩ­ගත්තා. ඉක්ම­නින් බදුල්ල මහ රෝහ­ලට අරන් ගියත් ඒ වෙන­කො­ටත් ළමයි දෙන්නා මිය ගිහින් හිටියේ.“ මිය­ගිය තරු­ණි­යන්ගේ දේහ­යන් ඊයේ (23) දහ­වල් වන­තු­රුත් බදුල්ල මහ රෝහල් මෘත ශරී­රා­ගා­රයේ තැන්පත් කර තිබුණි. දේහ­යන් පිළි­බඳ අව­සන් කට­යුතු හාලි­ඇළ මධ්‍යම පන්තික නිවාස ප්‍රදේ­ශයේ තාව­කා­ලි­කව පදිං­චිව සිට මිය­ගිය තරු­ණි­යගේ පියාගේ ගම වන පස්සර මීදු­ම්පි­ටිය ප්‍රදේ­ශ­යේදී සිදු­කි­රී­මට නිය­මි­තය.

හාලි­ඇළ ආර්.එම්. විජේ­රත්න, බදුල්ල - නිශාන්ත අබේගුණවර්ධන