ඉකුත් 10 වැනිදා අපරාධ පරීක්ෂණ දෙපාර්තමේන්තුවේ විමර්ශන නිලධාරීන්ට පලා ගිය කොස්තාපල්වරයා තේ පානයට පෙර සැත්කම්වලදී රෝගීන් නිර්වින්දනය කිරීම සඳහා සහ මානසික රෝගීන් සඳහා භාවිතා කරන ඖෂධ වර්ග කලවම් කර සාදන ලද කිරිටොපි ලබාදී මත්කර ජාත්‍යන්තර මත්ද්‍රව්‍ය ජාවාරම්කරුවෙකු සහ සංවිධානාත්මක අපරාධකරුවකු වන නදුන් චින්තක වික්‍රමරත්න නොහොත් හරක් කටා අපරාධ පරීක්ෂණ දෙපාර්තමේන්තුවෙන් පැන්නීමේ මෙහෙයුම සඳහා ආධාර අනුබල දීමට සෘජුවම සම්බන්ධවී එය අසාර්ථක වීමෙන් අනතුරුව ඔහු පළාගොස් අදට දින 20ක් බව පොලිසිය පවසයි.
ඒ සම්බන්ධයෙන් විමර්ශන පැවැත්වූ කොළඹ අපරාධ කොට්ඨාසයේ අධ්‍යක්ෂ සහකාර පොලිස් අධිකාරී නෙවිල් ද සිල්වා මහතාගේ උපදෙස් මත ස්ථානාධිපති ප්‍රධාන පොලිස් පරීක්ෂක ඇන්සලම් ද සිල්වා මහතාගේ මෙහෙයවීමෙන් ඒකක 1 එක ස්ථානාධිපති පොලිස් පරීක්ෂක එස් පි ඩි ජි නිශාන්ත මහතා ඇතුළු කණ්ඩායමක් හරක් කටා අපරාධ පරීක්ෂණ දෙපාර්තමේන්තුවෙන් පලා ඒමෙන් අනතුරුව ඔහුව රැගෙන යාම සඳහා ඉකුත් 10 වැනිදින මෝටර් රථයේ රියදුරු ලෙස කටයුතු කළ පුද්ගලයා සහ සහායකයා වැලිගම මුහුදු පාරෙදි අත්අඩංගුවට ගනු ලැබීය
එලෙස අත්අඩංගුවට ගනු ලැබූ වැලිගම ඉබ්බාවල ප්‍රදේශයේ පදිංචි මෝටර් රථයේ රියැදුරු ලෙස කටයුතු කළ දිනේෂ් තරංග යන සැකකරු සහ අනෙක් සැකකරු ත්‍රස්තවාදය වැළැක්වීමේ තාවකාලික විධිවිධාන පනත යටතේ දින 90 ක රැඳවුම් නියෝග ලබාගෙන කොළඹ අපරාධ කොට්ඨාසයේ රදවාගෙන ප්‍රශ්න කිරීමේදී අනාවරණය වූ තොරතුරු අනුව ඉකුත් 10 වෙනි දින කොස්තාපල්වරයා අපරාධ පරීක්ෂණ දෙපාර්තමේන්තුවෙන් පිටතට දිව ගෙන පැමිණෙන අවස්ථාවේදී සිට කඩවත දක්වා මෝටර් රථයෙන් යන අවස්ථාව දක්වා මිදිගම රුවන් නමැත්තා සමඟ සම්බන්ධ වූ දුරකථනය මෙන්ම රියදුරු වන සැකකරු මිදිගම රුවන් නමැත්තා සමඟ සම්බන්ධ වූ දුරකතනය කඩවත අධිවේගී මාර්ගයට පිවිසෙන මාර්ගයේ තිබෙන ශ්‍රමදාන මාවතේ හෝටලයක් අසල කසල ගොඩක දමා ගිනි තැබූ බවට ප්‍රශ්න කිරීමේදී තොරතුරු අනාවරණය වීමෙන් අනතුරුව එහි ගිය විශේෂ පොලිස් කණ්ඩායමක් සිදු කළ සෝදිසි මෙහෙයුමකදී අඩක් පිළිස්සී තිබූ දුරකථන දෙක සොයා ගැනීමට හැකි වූ බව උසස් පොලිස් නිලධාරියෙකු පැවැසීය
එම ජංගම දුරකථන දෙක සොයාගන්නා අවස්ථාවේ ඉතා කුඩා කොටසක් පමණක් පිළිස්සී තිබූ බැවින් විමර්ශන සඳහා යොදාගෙන වැදගත් තොරතුරු රැසක් අනාවරණය කර කරගැනීමට කර ගැනීමට හැකි වෙතැයි උසස් පොලිස් නිලධාරියෙක් පැවැසීය
බස්නාහිර පළාත් පළාත භාර ජ්‍යෙෂ්ඨ පොලිස්පති දේශබන්දු තෙන්නකෝන් මහතාගේ සෘජු අධීක්ෂණය යටතේ කොළඹ අපරාධ කොට්ඨාසයේ අධ්‍යක්ෂ සහකාර පොලිස් අධිකාරී නෙවිල් ද සිල්වා ස්ථානාධිපති ඇන්සලම් ද සිල්වා ද මහත්වරුන්ගේ උපදෙස් මත ඒකක 1 ස්ථානාධිපති පොලිස් පරීක්ෂක එස් පි ඩි ජේ නිශාන්ත පොලිස් පරීක්ෂක මහේෂ් මහේෂ් ,උප පොලිස් පරීක්ෂක මහේෂ් කොස්තාපල්වරුන් වන 90311 සංජීව 100332 විජේකෝන් 104013 කුමාර 104006 වීරසිංහ 11509, චතුරංග මහත්වරුන් පරීක්ෂණ පවත්වයි.
(ලංකාදීප)
