ඉතින් ඒ රංගන ශිල්පිනියක් වගේම දක්ෂ ජනප්‍රිය නර්ථන ශිල්පිනියක් බවත් දැන්නම් නොදන්නා කෙනෙක් නැහැ. ඉතින් කී ටෙලි නාට්‍යයේ නතාෂා චරිතයට මේ දවස්වල ගොඩක් හොඳ ප්‍රතිචාර ලැබෙනවා කියලයි ඇය කියන්නේ. කොහොම නමුත් ඇත්තටම ඇය හිතුවේ මේ චරිතයට බැනුම් අහන්න වෙයි කියලාලු. නමුත් එහෙම දෙයක් වුණේ නැහැ කියලත් ඇය කියනවා. ඉතින් එහෙම වුණේ ඒ චරිතය ඇය ඉදිරිපත් කරන විදිහ සහ අධිතාත්වික රංගනයක් ඉදිරිපත් නොකරන නිසාවෙන් වෙන්න ඇති කියලයි ඇය කියන්නේ.
ඒ වගේම ‘ලංවී’ ටෙලි නාට්‍යයේත් ඇය දාමරික චරිතයක් වුණත් හොඳ ප්‍රතිචාර තමයිලු ඇයට ලැබෙන්නේ. ඒත් එක්කම ඇය සහභාගි වුණ නර්ථන රියැලිටි තරඟයේදි බොහෝ ප්‍රවීණ ශිල්පීන් අභිබවමින් තමයි ඇය ජයග්‍රහණය කරන්නේ. ඉතින් ඒ නිසාම නැවතත් එවැනි තරඟයකට ආරාධනයක් ලැබුණොත් ඇය භාරගන්නෙ නැහැලු. ඒ වගේම ඇය රංගනයට යොමුවෙනකොට ඇයගේ දෙමවුපියන් ගොඩක් බය වුණා කියලත් ඇය කියනවා. ඔවුන් විතරක් නෙමෙයි ඇයත් ලොකු අවිනිශ්චිත තත්ත්වයකින්ලු හිටියෙ.
හැබැයි එදා ඇයට තිබුණ වැරදි වැටහීමත් එක්ක ඇය අදත් කල්පනා කරන්නෙ මොකක්ද මෙතන තියෙන වැරැද්ද කියලාලු. ඉතින් ක්ෂේත්‍රයේ හරිම සුන්දර පිරිසක් ඉන්නවා කියලයි ඩිස්නි කියන්නේ. එකම දේ තමන්ගෙ දක්ෂතාවයලු. තමන් දක්ෂ නම් බයවෙන්න දෙයක් නැහැ කියලත් ඇය කියනවා. ඒ වගේම ඇයගේ අම්මයි තාත්තයි පොඩි කාලෙ ඉඳන්ම ඇයට නිදහස ලබාදීලා තියෙනවා.
ඇයට වගේම ඇයගේ නංගිලා දෙන්නටත්. අවුරුදු දහඅටෙන් පස්සෙ පිටරටවල පවා යන්න ඔවුන්ට අවස්ථාව දීලා තියෙනවා. ඒ නිසා ඇය කොළඹ ඉන්න එක ඒ අයට ප්‍රශ්නයක් නෙමෙයිලු. මොකද ඇයගේ දෙමවුපියන් ගමක හිටියත් ලෝකය දකින නිසා. ඒ වගේම ඇයගේ දෙමවුපියන් ඇයට කියන්නෙ ඔයා කසාද නොබැඳ හිටියත් කමක් නැහැ, සතුටින් ඉන්නයි ඕන කියලාලු.
ඉතින් ඒ තීරණය ගන්න සම්පූර්ණයෙන්ම ඇයට නිදහස දීලා තියෙනවා කියලත් ඇය කියනවා. ඒ වගේම ඇයට තව වැඩ කිහිපයක් තියෙනවාලු සම්පූර්ණ කරගන්න. ඉතින් එතනින් පස්සෙ බොහෝ දුරට ඇය විවාහ වෙන්න ඉඩ තියෙනවා කියලත් ඩිස්නි කියනවා. හැබැයි තවම ඒ ගැන කිසිම සැළසුමක් නැහැ කියලයි ඇය අවසාන වශයෙන් පැවසුවේ.
