“නීතිවිරෝධි ආණ්ඩුව පාර්ලිමෙන්තුව වර්ජනය
කරන්නෙ බහුතරය නෑ කියල දන්න නිසයි. කිසිම පනතක් සම්මත කරගන්න බැරි අබ්බගාත ආණ්ඩුව රටේ හෙට දවස අදුරු කරල.ජාතික දේශපාලනයම උඩුකුරු වෙලා මිත්‍රවරුණි. ශ්‍රී ලංකාව ගත්ත ණය 2019 වසරෙ දි ඩොලර් බිලියන ගණනක් පියවන්න ඕන. ඒ දේවල් කරගන්න බැරි උනොත් අපි ලොකු අමාරුවක වැටෙනවා. අපේ ආණ්ඩුවට තිබුණෙ දුර දැක්මක් තිබුණ ආර්ථික ප්‍රතිපත්තියක්.අපි සියල්ල හොඳින් සැලසුම් කරල තිබුණෙ. දැන් සියල්ල නැතිවෙලා.
“ මං කතාවක් අහල තියෙනව රජෙක් පිස්සෙක් උනත් එකයි පිස්සෙක් රජ උනත් එකයි කියල. දැන් මේ දෙකම මෛත්‍රීපාල සිරිසේන ජනාධිපතිවරයා කරනව.ඒ නිසා රටම අවුලෙන් අවුලකට පත් කරල.“ වැඩිදුරටත් අදහස් දැක්වූ මන්ත්‍රීවරයා “මැතිවරණයක් අනවශ්‍ය මෙහොතක ව්‍යවස්ථාව කනපිට හරවල දැන් මැතිවරණයක් කැඳවල. මිත්‍රවරුණි අපි මැතිවරණවලට බය දේශපාලන පක්ෂයක් නෙමෙයි. හැබැයි මේ අවස්ථාවේ රටේ අර්බුද ගණනාවක් නිර්මාණය කරපු මැතිවරණයකට රටේ සල්ලි යොදවන්න වෙලා. අහිංසක මිනිහෙක් එදාවේල හොයා ගෙන කන රටේ, සල්ලිවලට යටවුණු බල සුදුව තමයි දැන් මේ රටේ දේශපාලනය. රටම සුදුපිටියක් වේවි හෙට අනිද්ද මැතිවරණයෙන්“යනුවෙන් ඔහු සඳහන් කළේය.
ජිනේෂ් නානායක්කාර
Posted in: slide
