නව අගමැති මහින්ද රාජපක්‍ෂ මහතා මුදල් ඇමැතිවරයා ලෙස කටයුතු කිරීම පිළිබඳව විශ්වාසය මත මෙම තීරණයට එළැඹි බවද හෙතෙම කීවේය.
ඒ පිළිබඳව වැඩිදුරටත් අදහස්‌ දක්‌වමින් සුනිල්
ජයවර්ධන මහතා මෙසේද කීවේය.
පසුගිය රජය සමයේදී අගමැති මහින්ද රාජපක්‍ෂ මහත්තයා ත්‍රිරෝද රථ වෘත්තිකයන් වෙනුවෙන් සහන ලබාදුන්නා. ඔහු දැන් මුදල් අමාත්‍යාංශයේ වැඩ බාරගෙන මිල සූත්‍රයක්‌ අනවශ්‍ය බව ප්‍රකාශ කිරීම ගැන ලොකු විශ්වාසයක්‌ ඇතිවුණා.
මේ නිසා ඉන්ධන මිල සූත්‍රය අහෝසි වෙනවා. ඒ වගේම ඉන්ධන සහනාධාරයක්‌ ලබාදෙයි කියලා විශ්වාසයක්‌ තියෙනවා. අපේ වෘත්තියේ ගැටලුවලටත් ඇහුම්කන් දෙයි කියා විශ්වාසයක්‌ තියෙනවා.
යහපාලන රජයේ හිටපු මුදල් ඇමැතිවරයා හිතක්‌ පපුවක්‌ නැතිව ඉන්ධන මිල වැඩි කළා. ඔවුන් රටේ පොදු ජනතාව ගැන හිතුවේ නැහැ. අපි දැන් මගී ප්‍රවාහනය කිරීමේදී පළමු කිලෝමීටරය සඳහා රුපියල් 60 ක්‌, දෙවැනි කිලෝමීටරයේ සිට ඉන් රුපියල් පහක්‌ද ගාස්‌තු අඩුකර ධාවනය කරනවා.
- දිවයින
