දුර්ගය හරස් මාර්ග ආශ්‍රිතව සිදු වන අනතුරුවලින් තවදුරටත් ජිවීත හා දේපොළ හානි සිදු වීම වැළැක්වීම සඳහා මෙම නීති
ක්‍රියාමාර්ග ගත් බවද අමාත්‍යවරයා සඳහන් කළේය.
ශ්‍රී ලංකාවේ දුම්රිය හරස් මාර්ගවලින් වසරකට අනතුරු 75ක් පමණ සිදු වන බවත්, 2016 වසරේ සිට මේ වසරේ අගෝස්තු මාසය වන විට මුහුදුබඩ මාර්ගයේ පමණක් අනතුරු 54ක් සිදුව තිබෙන බවත් ඒ මහතා ප්‍රකාශ කළේය.
ශ්‍රී ලංකාවේ දුම්රිය මාර්ග පද්ධතිය තුළ ඉදිකර ඇති හරස් මාර්ග 1,337කින්නේ 526ක් සඳහා නිසි ආරක්ෂාව සපයා තිබෙන බවත්, අනාරක්ෂිත දුම්රිය හරස් මාර්ග හෙවත් බම්බු ගේට්ටු මගින්
හරස් මාර්ග 626කට ආරක්ෂාව සපයන බවත් අමාත්‍යවරයා සඳහන් කළේය.
දුම්රිය හරස් මාර්ග විදුලි සංඥා පද්ධති 10ක් හික්කඩුවේදී විවෘත කිරීමෙන් අනතුරුව නිමල් සිරිපාල ද සිල්වවා මහතා පසුගියදා (19දා) මේ බව පවසා සිටියේය.
ඇමරීකා ඩොලර් මිලියන 6.4ක් වැය කරමින් දුම්රිය මාර්ග විදුලි සංඥා පද්ධති 200ක් ස්ථාපනය කිරීමට කටයුතු ආරම්භ කර තිබෙන බවත්, මේ යටතේ දුම්රිය මාර්ග සඳහා විදුලි සීනු පද්ධති 175ක් සහ ද්විත්ව මාර්ග සඳහා විදුලී සීනු පද්ධති 2ක් ස්ථාපිත කිරීම ආරම්භ කළ බවත් නිමල් සිරිපාල ද සිල්වා මහතා පැවසීය.
