මෙම සැකකරුවන් නුවරඑළිය මහේස්ත්‍රාත් ප්‍රමෝදක ජයසේකර හමුවට අද (11 දා) ඉදිරිපත් කළ අවස්ථාවේදී සිය සේවාදායකයන්ට ඇප ලබාදෙන
ලෙස මොවුන්ගේ නීතිඥවරුන් කළ ඉල්ලීමට පැමිණිලි පාර්ශවය විරෝධය පළ කළ අතර ඒ අනුව ඔවුන් යළි රක්ෂිත බන්ධනාගාර ගත කළහ.
එමෙන්ම පැහැර ගැනීමට ලක් වූ දැරිය අද දිනයේ පියාට බාරදෙන ලෙසටද මහේස්ත්‍රාත්වරයා නියෝග කළේය.
පසුගිය පළාත්පාලන මැතිවරණයේදී ඔරලෝසුව ලකුණ යටතේ ස්වාධීන කණ්ඩායමකින් තරඟ කර තලවකැලේ ලිදුල නගර සභාවේ සභාපති ධූරයට පත්වූ අශෝක සේපාල සහ නාගරික මන්ත්‍රී ඉෂාර අනුරුද්ධ මංචනායක ඇතුළු හතරදෙනෙකු නුවරඑළිය පොලිසිය මගින් පසුගිය 04 වැනිදා අත්අඩංගුවට ගනු ලැබීය.
2017 වසරේ ආගරපතන - පෝර්ට්මෝර් වත්ත ප්‍රදේශයේ පදිංචි වයස අවුරුදු පහක දැරියක පැහැරගෙන ගොස් මුදලට විකිණීම සම්බන්ධයෙන් නුවරඑළිය පොලිස් ස්ථානයට ලද පැමිණිල්ලකට අනුව මොවුන් අත්අඩංගුවට පත්විය.
