නව අවුරුදු වෙනුවෙන් උතුරු පලාත් ආණ්ඩුකාර
කාර්යාලයේදී පැවති උත්සව අවස්ථාවකදී හිටපු කොටි සාමාජිකයාගේ දියණියට මෙම මුදල් ආධාරය පිරිනමුනු ලැබීය.
දරුවන් දෙදෙනෙකුගේ පියකු වන ආනන්ද සුදාකරන් බන්ධනාගාර ගතව සිටියදී මීට මාස දෙකකට ඉහතදී ඔහුගේ බිරිද පිලිකා රෝගයෙන් මිය ගිය අතර ඇගේ අවසන් කටයුතු සඳහා සුදාකරන් බන්ධනාගාර නිලධාරීන්ගේ ආරක්ෂාව මැද බන්ධනාගාර බස් රථයකින් පැමිණ ආපසු යාමට සූදානම් වූ අවස්ථාවේදී කුඩා දියණියද පියා සමඟ යාමට අවශ්‍ය බව කියමින් බස් රථයට නැගීමත් සමගම එම අවස්ථාව සියල්ලන්ටම ඉතා සංවේදී විය.
පියාත් මවත් දෙදෙනාම අහිමි වී සිටින මේ දරුවන් දෙදෙනා මේ වන විට ඔවුන්ගේ ආච්චි සහ සීයා සමග හැදී වැඩෙන අතර ඔවුන්ගේ අනාගතය දෙස සානුකම්පිතව බලා සුදාකරන්ට පොදු සමාවක් ලබා දෙන ලෙස කිළිනොච්චියේ වැසියෝ ජනාධිපතිවරයාගෙන් ඉල්ලා සිටින අතර තුර සුදාකරන්ගේ දරුවන් උතුරු පළාත් ආණ්ඩුකාරවරයා හමුවටද ගිය අවස්ථාවේදී එතුමා විසින් මේම පරිත්‍යාගය ලබා දී තිබේ.
– වන්නි රොමේෂ් මධුෂංඛ
Posted in: slide
