"ආචාර්ය කරුණාරත්න කියන ඉංජිනේරුව කියනව මේ පෝට් සිටි එක
නිසා කොළඹ නගරය ගිලා බැසිය හැකි බව. අපි ඉන්න තැනුන් සමහර වෙලාවට හෙල්ලිලා යනව. කොළඹ නගරය ගිලා බැසීමේ අනතුරකයි තියෙන්නේ අනාගතයේදී"
පඬුවස්නුවර ප‍්‍රදේශයේ පැවැති එක්සත් ජනතා නිදහස් සන්ධාන ජන හමුවක් අමතමින් ජනාධිපතිවරයා මේ බව කියා සිටියා.
අර්ජුන් මහේන්ද්‍රන් මහ බැංකු අධිපති ධූරයට පත් කිරීමේදී තමන් විරුද්ධ වූ බවත් එම අවස්ථාවේ එම පත් කිරීම සිදු කිරිමට හේතුවූ කරුණු පිළිබඳවද ජනාධිපතිවරයා මෙහිදී පැහැදිළි කළා.
"අර්ජුන් මහේන්ද්‍රන්ගේ පුරවැසිභාවය පිළිබඳ ප්‍රශ්නය නිසා ඔහු පත්නොකරන ලෙස මම අගමැතිවරයාට පැවසුවා. නමුත් ඔහු එය ඇහුවේ නැහැ. ආන්ඩුවක් හදපු ගමන් අර්බුද හදාගන්න බැරි නිසයි නිහඬව සිටියේ. අගමැතිවරයා එදා මම කී දේ ඇසුවානම් මේ කුණු ප්‍රශ්න ආණ්ඩුවට එන්නේ නැහැ." යැයිද ජනාධිපතිවරයා වැඩිදුරටත් පැවසුවා.
