මීට අමතරව අවශ්‍යතාවයක් වුවහොත් රාජකාරී කටයුතු සඳහා කැඳවීමට
ත්‍රිවිධ හමුදා සාමාජිකයන් 6200ක් සූදානම් කර තිබෙන බවද හමුදා මාධ්‍ය ප්‍රකාශක බ්‍රිගේඩියර් සුමිත් අතපත්තු මහතා සඳහන් කළේය.
යම් යම් සිදුවීම් සිදුවිය හැකි බවට හඳුනාගත් මධ්‍යස්ථාන 155ක් සඳහා අමතර ආරක්ෂාව ඉල්ලා තිබෙන බවත්, මේ අනුව නාවික හමුදා සාමාජිකයන් 74ක්, ගුවන් හමුදා සාමාජිකයන් 51ක් සහ හමුදා සාමාජිකයන් ඇතුළු 855 දෙනෙකු ඊයේ (08) සිට රාජකාරී කටයුතුවලට යොදවන බවත් ඔහු පවසා සිටියේය.
සුදානමින් තබා සිටින ත්‍රිවිධ හමුදා සාමාජිකයන් 6200ක ප්‍රමාණය තුළ නාවික හමුදා සාමාජිකයන් 558ක් සහ ගුවන් හමුදා සාමාජිකයන් 443ක්ද ඇතුළත් වන බවද මාධ්‍ය ප්‍රකාශකවරයා සඳහන් කළේය.
