පොලීසිය පැවසුවේ අනතුරින් තවත් පුද්ගලයින් 49දෙනෙකු තුවාල ලබා පුත්තලම, හලාවත සහ මුන්දලම යන රෝහල්වලට අතුළත් කර ඇති
බවයි.
අද (06) පෙරවරු 8.00ට පමණ කොළඹ සිට යාපනය දක්වා ධාවනය වූ බස් රථයක් මෙලෙස අනතුරට ලක්ව තිබේ.
පොලීසිය පැවසුවේ බස් රථය මදුරන්කුලිය 10 කණුව අසළදී ත්‍රීරෝද රථයක් පසුකර යෑමට උත්සාහ කිරීමත් සමඟ පාළමේ ආරක්ෂිත වැටෙහි ගැටී පෙරළී යාමෙන් අනතුරට ලක්ව ඇති බවයි.
අනතුර හේතුවෙන් කොළඹ - පුත්තලම මාර්ගයේ දැඩි රථවාහන තදබදයක් ද පවතින බව අප වාර්තාකරු පැවසුවේය.
තුවාල ලැබූවන්ගෙන් 27 දෙනෙකු පුත්තලම රෝහලට ද, 09 දෙනෙකු හලාවත රෝහලට ද, 08 දෙනෙකු මූන්දලම රෝහලට ද ඇතුළත් කර තිබේ.
මියගිය පුද්ගලයින්ගේ මෘත ශරීර පුත්තලම රෝහලේ තැන්පත් කර ඇති බව පොලීසිය පැවසුවේය.
Posted in: slide
