පවුලේ ඥාතීන් සඳහන් කළේ කලක් රෝගාතුරව සිටි ඒ මහතා සිය නිවසේදී පෙරේදා (15) පස්වරුවේ අභාවප්‍රාප්ත වූ බවයි.
අභාවප්‍රාප්ත වන විට බර්ටි ගලහිටියාව මහතාගේ වයස අවුරුදු 80කි.
එදා ඇසුන ගම්භීර හඬ :
“වේලාව උදෑසන හයයි,
මේ ශ්‍රී ලංකා ගුවන්විදුලි සංස්ථාවයි
මෙන්න ප්‍රවෘත්ති,
ප්‍රකාශය බර්ටි ගලහිටියාව විසින්”
මෙම වදන් ගුවන්විදුලි ශ්‍රාවකයින්ට මීට වසර ගණනාවකට පෙර ඉතා සුපුරුදු විය. එසේම මෙම හඬ ද ඉතා සමීප විය. එම හඬෙහි ගැබ්ව තිබුණේ ඉතා ගම්භීර බවකි; සුපැහැදිලි වචන උච්චාරණයකි. එම හඬට උරුමකම් කිවේ ප්‍රවීණ ගුවන් විදුලි නිවේදකයා බර්ටි ගලහිටියාව ය.
