අර්ජුන මේ පිරිමසන්නට දඟලන්නේ තමන් සමග ඇති පෞද්ගලික
තරහවක් බවත් තමා සමග ඡන්දය ඉල්ලා පරාජය වූ අර්ජුන දිගින් දිගටම තමාට අවලාද නගමින් එම ප්‍රහාර එල්ල කරන බවත් සුමතිපාල මහතා කියා සිටියේය.
ක්‍රිකට්වලට ආදරේ කරන අය අද අර්ජුන සිදු කරන ප්‍රකාශ ගණන් ගන්නේ නැති බවත් ලෝක ඉතිහාසයේම වැඩිම එක්දින තරග සංඛ්‍යාවක් පරාජය වූ නායකයා වන්නේ අර්ජුන බවත් පවසන සුමතිපාල මහතා එහෙව් නායකයා අද තරග කීපයක් පරාජය වූ විට මෙසේ බැණ අඬගැසීම හාස්‍යයට හේතුවක් බවත් කියා සිටියේය.
අද අර්ජුන කරන්නේ තමාට මෙන්ම ක්‍රීඩකයින්ට බැණ බැණ ඇවිදින එක බවත් අර්ජුනගේ චෝදනාවලට උත්තර දීමට තමා බැඳී නැති බවත් සඳහන් කළේය. තමා උත්සාහ කරන්නේ රටේ ක්‍රිකට් නැංවීමට මිස ද්වේශයෙන් බැණවදින පුද්ගලයින්ට උත්තර බඳිමින් කාලය නාස්ති කිරීමට නොවන බවත් ඒ මහතා කියා සිටියේය.
-සුජිත් කෝනාර
Posted in: slide
