කොලොන්නාවට තෙල් තොග ගබඩා පර්යන්තය වෙත බොරතෙල් ප්රවාහනය කරන නලයේ සිදුවු තෙල් කාන්දුව නිසා හටගත් අවදානම් තත්ත්වය මේ වනවිට පාලනය කර ඇති බව සමුද්රීය පරිසර ආරක්ෂණ අධිකාරිය පවසනවා.
කොළඹ වරාය ආසන්න මුහුදේ සිට දිවෙන මෙම නලයේ පිපිරීමක් ඊයේ පස්වරුවේ වාර්තා වූ අතර, ඒ හේතුවෙන් මෙම තෙල් කාන්දු වීම සිදුවුණා.
සමුද්රීය පරිසර ආරක්ෂණ අධිකාරියේ සභාපති විශ්රාමික රියර් අද්මිරාල් රෝහණ පෙරේරා හිරු ප්රවෘත්ති අංශයට කියා සිටියේ මුහුදේ පවතින රළු තත්ත්වය මීට හේතු වන්නට ඇති බවයි.
මේ හේතුවෙන් බොරතෙල් මෙට්රික් ටොන් 25 ක් පමණ මුහුදට මුසු වන්නට ඇති බවට විශ්වාස කෙරෙන බවයි ඔහු කියා සිටියේ.
මුහුදේ පවතින රළු තත්ත්වය නිසා එය අළුත්වැඩියා කිරීම අපහසු වී ඇති නමුත්, තෙල් කාන්දුව මේ වනවිට පාලනය කර ඇති බව සමුද්රීය පරිසර ආරක්ෂණ අධිකාරියේ සභාපති විශ්රාමික රියර් අද්මිරාල් රෝහණ පෙරේරා සඳහන් කළා.
කොළොන්නාවට තෙල් රැගෙන යන නලය පිපිරී බොරතෙල් මුහුදට
2017-06-02T16:06:00+05:30
Gossip Lanka Hot News