කොළඹ වරාය ආසන්න මුහුදේ සිට දිවෙන මෙම නලයේ පිපිරීමක් ඊයේ පස්වරුවේ වාර්තා වූ අතර, ඒ හේතුවෙන් මෙම තෙල් කාන්දු වීම සිදුවුණා.
සමුද්‍රීය පරිසර ආරක්ෂණ අධිකාරියේ සභාපති විශ්‍රාමික රියර් අද්මිරාල් රෝහණ පෙරේරා හිරු ප්‍රවෘත්ති අංශයට කියා සිටියේ මුහුදේ පවතින රළු තත්ත්වය මීට හේතු වන්නට ඇති බවයි.
මේ හේතුවෙන් බොරතෙල් මෙට්රික් ටොන් 25 ක් පමණ මුහුදට මුසු වන්නට ඇති බවට විශ්වාස කෙරෙන බවයි ඔහු කියා සිටියේ.
මුහුදේ පවතින රළු තත්ත්වය නිසා එය අළුත්වැඩියා කිරීම අපහසු වී ඇති නමුත්, තෙල් කාන්දුව මේ වනවිට පාලනය කර ඇති බව සමුද්‍රීය පරිසර ආරක්ෂණ අධිකාරියේ සභාපති විශ්‍රාමික රියර් අද්මිරාල් රෝහණ පෙරේරා සඳහන් කළා.
