බංග්ලාදේශ ක්‍රිකට් කණ්ඩායමේ ප්‍රධාන පුහුණුකරු ලෙස කටයුතු කළ චන්දික හතුරුසිංහ මහතාගේ සේවය පැය 48කට අත්හිටුවා ඇති බවත් වහාම ක්‍රියාත්මකවන පරිදි ඔහුගේ සේවය නිම කිරීමට කටයුතු කරන බවත් එරට ක්‍රිකට් බලධාරීන් නිවේදනය කර තිබේ.
2025 චැම්පියන්ස් කුසලාන තරගාවලිය තෙක් බංග්ලාදේශයේ අන්තර්වාර පුහුණුකරු ලෙස හිටපු බටහිර ඉන්දීය කොදෙව් ක්‍රීඩක ෆිල් සිමන්ස් කටයුතු කරනු ඇත.
චන්දික හතුරුසිංහ මහතා බංග්ලාදේශයේ ප්‍රධාන ක්‍රිකට් පුහුණුකරු ලෙස දෙවැනි වරටත් එම කණ්ඩායම සමග එක්ව තිබූ අතර එරට ක්‍රිකට් සභාපති ෆාරුක් අහමඩ් මහතා හතුරුසිංහ නැවත එක්කර ගැනීම සම්බන්ධයෙන් ප්‍රශ්න කර තිබූ බවද වාර්තා වෙයි.
