රූගත කිරීමකට සහභාගීවීම සඳහා දහස් ගණනක් පිරිමින් සහ කාන්තාවන් ඕස්ට්‍රේලියාවේ බ්‍රිස්බේන් නුවර බ්‍රිස්බේන් ගංගාව හරහා ඉදිකර ඇති සුප්‍රකට Story Bridge පාලම මත නිරුවතින් සිට තිබේ.
විදෙස් ජනමාධ්‍ය පැවසුවේ ඔවුන් සියලුදෙනා ඡායාරූප සඳහා විවිධ ඉරියව් අනුව එක ලෙස පෙනීසිටි බවයි.
නිව් යෝර්ක් චිත්‍ර ශිල්පී ස්පෙන්සර් ටියුනික් විසින් මෙම අපූරු දර්ශනය සංවිධානය කර තිබූ අතර එම කාන්තාවන් හා පිරිමින් සියලුදෙනා පාලම මත නිරුවතින් පෙනීසිටිමින් ඇවිද යන අයුරු දැක්වෙන වීඩියෝ ද විදෙස් ජනමාධ්‍ය වාර්තා කර තිබේ.
මෙම අවස්ථාව සමලිංගික සංස්කෘතිය සමරන Melt උත්සවයේ කොටසක් ලෙස පවත්වා ඇති බව ද විදෙස් ජනමාධ්‍ය පවසයි.
ඡායාරූපකරණය අවසන් වන තෙක් පාලම මගීන් සඳහා වසා තැබුණු බව ද සඳහන් වේ.
ඡායාරූප මගින් පාලම නිරුවත් පුද්ගලයින්ගෙන් වලින් පිරී තිබෙන අයුරු ද දිස්වේ.
