සූරියවැව විහාරගල පන්සිය පනහ ප්‍රදේශයේ පදිංචි සිය පියාගේ බාලවයස්කාර නැගණිය ගැබිණියක කළ 14 හැවිරිදි පුත්‍රයා මේ මස 18 වන දින දක්වා පරිවාස භාරයේ තබන ලෙස හම්බන්තොට මහේස්ත්‍රාත් හා අතිරේක දිසා විනිසුරු ඕෂධ මිගාර මහආරච්චි නියෝග කර තිබේ.
මෙලෙස පරිවාස භාරයට පත් කර ඇත්තේ සූරියවැව විහාරගල පන්සිය පනහ ප්‍රදේශයේ පදිංචි අවුරුදු 14 යි මාස 11ක් වයසැති සුරියවැව පන්සිය පනහ විද්‍යාලයේ 10 ශ්‍රේණියේ ඉගෙනුම ලබන සිසුවෙකි.
අපයෝජනයට පත් සිය පියාගේ බාලවයස්කාර 14 හැවිරිදි නැගණියද එම පාසලේම 09 වසරේ අධ්‍යාපනය ලබන අතර සැකකාර පුත්‍රයා හා පියාගේ බාලවයස්කාර නැගණියද එකම නිවසේ පදිංචිව සිටින අතර කලක සිට මෙම සැකකාර සිසුවා විසින් මෙම දැරියව අපයෝජනයට ලක් කර තිබේ.
දැරියගේ සිරුරේ ඇතිව තිබූ වෙනස්කම් හේතුවෙන් සැක සිතූ අසල්වැසියෙක් විසින් පසුගිය 30 වන දින මේ පිළිබදව සූරියවැව පොලිස් ස්ථානාධිපති වරයාට පුද්ගලිකව දැනුම් දි තිබේ. ඒ අනුව වහා ක්‍රියාත්මක සූරියවැව පොලිස් ස්ථානාධිපති අනුර සුසන්ත ඇතුළු නිලධාරීන් කණ්ඩායමක් දැරියගේ නිවසට ගොස් සිදුකල ප්‍රශ්න කිරීමේදි මෙම අපයෝජනය පිළිබදව අනාවරණය වි තිබේ.
ඒ අනුව අපයෝජනයට පත් දැරියගෙන් සිදුකල විමසිමේ දී මෙම කරදරය සිය අයියාගේ පුත්‍රයා අතින් සිදු වු බවට හෙලිකර ඇත. ඒ අනුව පොලිසිය විසින් සැකකාර පුත්‍රයා අත්අඩංගුවට ගෙන හම්බන්තොට මහේස්ත්‍රාත් අධිකරණයට ඉදිරිපත් කිරීමෙන් පසු සැකකාර සිසුවා පරිවාස භාරයට පත් කර තිබේ.
අපයෝජනයට පත් දැරිය මේ වන විට පස් මස් ගැබිණියක බවද අනාවරණය වි ඇති අතර දැරිය වෛද්‍ය පරික්ෂණ කටයුතු සඳහා හම්බන්තොට මහ රෝහලට යොමු කර තිබේ.
මුලික පොලිස් විමර්ශනවලදී අනාවරණය වි ඇත්තේ කලක සිට අපයෝජනයට පත් දැරිය හා පුත්‍රයා නිවසේ එකම ඇදක රාත්‍රියට නිදා ගන්නා බවත් දැරිය මීට පෙර සිවිල් ආරක්ෂක බළකා භටයෙකු අතින්ද අපයෝජනයට පත්ව ඇති බවත්ය.
සිද්ධිය සම්බන්ධයෙන් තංගල්ල කොට්ඨාස භාර ජ්‍යෙෂ්ඨ පොලිස් අධිකාරී සිසිර පෙත්තතන්ත්‍රි, සූරියවැව පොලිස් ස්ථානාධිපති ප්‍රධාන පොලිස් පරික්ෂක අනුර සුසන්තගේ උපදෙස් පරිදි සූරියවැව පොලිසියේ ළමා හා කාන්තා කාර්යංශයේ ස්ථානාධිපතිනි පොලිස් පරීක්ෂිකා තිසේරා කොඩිතුවක්කු ඇතුළු නිළධාරීන් කණ්ඩායමක් පරීක්ෂණ පවත්වයි.
