නාසා ආයතනය විසින් හූස්නටන් හි ජොන්සන් අභ්‍යාවකාශ මධ්‍යස්ථානය තුළ නිරමාණයවන අනුකරණිත අඟහරු මෙහෙයුමක් සඳහා නාසා ආයතනය විසින් තෝරා ගන්නා ලද සිව් දෙනෙකුගෙන් යුත් ස්වේච්ඡා කාර්ය මණ්ලයට ශ්‍රී ලාංකික සම්භවයක් සහිත විද්‍යාඥවරියකවන ආචාර්ය පියුමි විජේසේකර තෝරාගෙන තිබේ.
මෙම මෙහෙයුම සඳහා ආචාර්ය විජේසේකර ඇතුලු කණ්ඩායම මැයි මස 10 වැනිදා Human Exploration Research Analog නෙහොත් HERA වෙත මෙම අනුකරණිත අඟහරු මෙහෙයුම වෙනුවෙන් පිවිසෙනු ඇත.
එහි ඇතුළුවීමත් සමග මෙම කණ්ඩායම අඟහරු තරණ අභ්‍යාවකාශ ගමනක පරිසරය තුළ රැඳෙමින් දින 45ක පමණ කාලයක් ගත කිරීමට නියමිතය. කාර්ය මණ්ඩලය යළි පෘථිවියට පැමිණීමේ අත්දැකීම ලබන්නේ ජූනි මස 24 වැනිදා ය.
නාසා ආයතනය සඳ, අඟහරු සහ ඉන් ඔබ්බට ගැඹුරු අභ්‍යවකාශ මෙහෙයුම් සඳහා ගගනගාමීන් යැවීමට පෙර කාර්ය මණ්ඩල සාමාජිකයින් හුදකලාවීම්, සිරගතවීම් සහ දුරස්ථ තත්වයන්ට අනුගතවීම් සිදුවන ආකාරය ගැඹුරින් අධ්‍යයනය කිරීමට මෙවැනි පර්යේෂණ මෙහෙයුම් දියත් කරනු ලබයි.
කාර්ය මණ්ඩල සාමාජිකයින් අතථ්‍යය යථාර්ථය භාවිතා කරමින් අඟහරු මතුපිට ඇවිදීමේ සිට රතු ග්‍රහලෝකය මත දී ලබන අත්දැකීම් සහිත ඔවුන්ගේ සමාකරණ මෙහෙයුම පුරාවට විද්‍යාත්මක පර්යේෂණ සහ මෙහෙයුම් කාර්යයන් සිදු කරනු ඇත.
මෙම අත්දැකීම ලබන ශ්‍රි ලාංකික සම්භවයක් සහිත ආචාර්ය පියුමි විජේසේකර NASA විද්‍යාඥවරියකි. ඇය කැලිෆෝනියාවේ Silicon Valley හි NASA Ames පර්යේෂණ මධ්‍යස්ථානයේ විකිරණ ජෛව භෞතික විද්‍යාගාරයේ පශ්චාත් ආචාර්ය උපාධි පර්යේෂණ විද්‍යාඥවරියක ලෙස සේවය කරන්නීය.
මිනිස් ශ්වසන පද්ධතියට අයනීකරණ විකිරණ සහ චන්ද්‍ර දූවිලි ඇතුළු අභ්‍යවකාශ පියාසර ආතතීන්ගේ බලපෑම් විමර්ශනය කිරීම සඳහා පටක ආකෘති සංවර්ධනය කිරීම ඇගේ පර්යේෂණ ක්ෂේත්‍රය වේ.
ෙවිජේසේකර සැන් ඩියාගෝ හි කැලිෆෝනියා විශ්ව විද්‍යාලයෙන් ජෛව ඉංජිනේරු විද්‍යාව පිළිබඳ සිය උපාධිය හදාරා තිබේ. පෙන් හි පිට්ස්බර්ග්හි පිහිටි කානගී මෙලන් විශ්ව විද්‍යාලයෙන් ජෛව වෛද්‍ය ඉංජිනේරු විද්‍යාව පිළිබඳ ශාස්ත්‍රපති සහ ආචාර්ය උපාධි ද ඇය විසින් ලබාගෙන ඇත. ඇයගේ ආචාර්ය උපාධි පර්යේෂණය, ශ්වසන රෝග අධ්‍යයනය කිරීම සඳහා මානව පෙනහළුවල කායික විද්‍යාව අනුකරණය කරන ඉංජිනේරු පෙනහළු ආකෘති බිහි කිරීම කෙරෙහි අවධාරණය කෙරෙන ප්‍රාථමික සෛල සහ ඉන්ද්‍රිය ඉංජිනේරු විද්‍යාව පිළිබඳ අධ්‍යයනයකි.
විජේසේකර දැනට ජීවත් වන්නේ සැන් ෆ්‍රැන්සිස්කෝ හි ය.
