බිරිඳ මිය යෑමෙන් පසු තම බාලවයස්කාර වැඩිමහල් දියනිය වසර 05කට අධික කාලයක් තිස්සේ අඹුකමෙහි තබාගෙන සිටි පුද්ගලයෙකු ඉංගිරිය පොලීසිය විසින් අත්අඩංගුවට ගෙන තිබෙනවා.
ඊයේ (16) අත්අඩංගුවට ගත් සැකකරු දිවයිනේ පොලිස් ස්ථාන කිහිපයකටම අවශ්‍යව සිටි අපරාධකරුවෙකු බවයි පොලීසිය පවසන්නේ.
මීට වසර 6කට පෙර ඔහුගේ බිරිඳ මියගොස් ඇති බවත් ඉන් කලකට පසු එවකට 17 වන වියේ පසුවූ ඔහුගේ වැඩිමහල් දියණිය මෙම තැනැත්තා විසින් ලිංගික අපයෝජනය කර ඇති බවත් ඒතැන් සිට මේ දක්වා ගතවූ වසර 5කට ආසන්න කාලයක් තුල වරින් වර මෙම තැනැත්තා විසින් අදාල දියණිය අපයෝජනය කර ඇති බවයි පොලිසිය අනාවරණය කරගෙන ඇත්තේ.
එමෙන්ම අදාල සැකකරුට දියණියන් තිදෙනෙකු සිටින අතර ඉන් දෙවැනි දියණියවද ඔහු විසින් ලිංගික අතවරයට ලක් කිරීමට උත්සාහ දරා ඇති අතර ඒ බව දැක ඇති වැඩිහල් දියණිය සියදිවි නසා ගැනීමටද උත්සාහා දරා ඇතැයිද පොලීසිය පවසනවා.
දෙවන දියණියට අතරවර කිරීමේ සිද්ධිය සම්බන්ධයෙන් අදාල පුද්ගලයාට එරෙහිව අවිස්සාවේල අධිකරණයේ නඩුවක්ද පවතින අතර එම නඩුවටද පෙනී නොසිටිමින් සැකකරු පොලීසිය සහ අධිකරණය මගහරිමින් සිට තිබෙනවා.
සැකකරුගේ එක් දියණියක් ආබාධිත තත්ත්වයේ පසුවන අතර ඇය රැක බලා ගැනීමට නොහැකි බව පවසමින් සැකකරු විසින් එම දියණිය ඔහුගේ මියගිය බිරිඳගේ සොහොයුරෙකුගේ නිවසට ගෙනත් දමා ගොස් ඇති බවත් පසුව එම නිවසේ හිමිකරු සැකකරුගේ දියණියන් තිදෙනාද සමගින් ඉංගිරිය පොලීසිය වෙත පැමිණ අදාල සිද්ධිය පවසා තිබෙනවා.
ඒ අනුව ආබාධිත දියණිය වැඩිහිටි ආබාධිත රැකවරණ මධ්‍යස්ථානයකට බාරදීමට කටයුතු කිරීමට ඉංගිරිය පොලීසිය කටයුතු කර ඇති අතර සිදුකල විමර්ශනයක් අනුව සැකකාර පියා අත්අඩංගුවට ගෙන තිබෙනවා.
