මේ දවස්වල, ජනප්‍රිය නිළි දිනක්ෂි ගැන ආයෙමත් වැඩියෙන් කතාබහට ලක්වෙන්න අරන්.
ඊට ආසන්නතම හේතුව ඇගේ අපූරු රංගනයෙන් හැඩවෙන, නුදුරේදී ම තිරගත වීමට නියමිත "විසල් ආදරේ" සිනමා සිත්තම.
පහුගිය දවසක චිත්‍රපටයේ ගීතයක් එළියට ආවා. ඒත් එක්කම තමයි බොහෝදෙනා දිනක්ෂි ගැන කතාබහක් පටන් අරන් තිබුණේ.
ඒ ගීතය ගැනවත්, එහි ඇගේ රංගනය හෝ නර්තනය පිළිබඳවත් නෙවෙයි දිනක්ෂිගේ ඇඳුම ගැන.
ඔය විදියට දිනක්ෂිගේ විලාසිතා කතාබහට ලක්වුණු පළවෙනි වතාවත් මේක නෙවෙයි.
සෑහෙන වාර ගණනක් ඇයගේ විලාසිතා ''බුකියේ විනිශ්චයට'' ලක්වෙලා ඇති.
තමන්ගේ විලාසිතා විවේචනය වන තැන්වලදි දිනක්ෂි උත්තර දුන්නු තැනුත් නැතුවාම නෙවෙයි.
හැබැයි ගොඩක් වෙලාවට වෙන්නෙ අපි කියන සරලම ආකාරයට ඈ ඒවා ආතල් එකක් කරගැනීම.
එහෙම නොවී තියෙයිද, දිගට ඇන්දාම කොටට තමයි ලස්සන කියද්දි නේද.
චිත්‍රපට ගීත‍යේ දිනක්ෂි සැරසී උන්නු ඩෙනිම තමයි බොහෝමයක් අයගෙ විවේචනයට හේතුවෙලා තිබුණෙ.
එහෙම විවේචන කෙතරම් ආවත්, ඈට ආදරේ කරන පිරිස් වෙතින් තැබෙන මෙවන් ප්‍රතිචාරත් නැතුවාම නෙවෙයි.
''මේක ඇත්තටම ලස්සනයි.
අම්මා කෙනෙක් උනත් එයා නිලියෙක්නේ.
නිලියෙක් අදින පලදින විදිහට ඕනේ අදින්න.
ප්‍රියංකා චොප්රා දීපිකා පදුකෝන්ලා වගේ හින්දි නිලියෝ, ටැමිල් නිලියෝ අදින ඒවා අපේ අය දැකලා නැතිවද කොහෙද මේ ඇදුම් වලට හෙලුවෙන් කියන්නේ.
බොහෝ විවේචනයන් තුල ඊරිසියාව සැගව ඇත.''
