අපේ දෛවය අපේ අතේම ලියවිලා තියනවා කියලා ඔබ දන්නවාද..? මේ කියන්න යන්නේ අන්න ඒ ගැන කතාවක්..
සමහර විට ඔබටත් ඔබේ රැකියාව එපා වෙලා ඇති..
එහෙම වෙන්නේ ඇයි කියලා නිකමට වත් හිතලා බැලුවාද..? සමහරවිට ඒ ඔයාට සුදුසුම රැකියාව නොවෙන්න පුළුවන්... මෙන්න බලන්න ඔබේ අත්ලේ රේඛාවලින් ඒ ගැන මෙන්න මේ වගේ අදහසක් ගන්න දැන් ඔයාටත් පුළුවන්..
ශීර්ෂ රේඛාව මඟින් පුද්ගලයකුගේ මානසික තත්ත්වය, ආකල්ප සහ කල්පනා කිරීමේ ශක්තිය ආදි මානසික ක්‍රියාකාරිත්වයන් පිළිබඳ හඳුනාගත හැකි බව මින් පෙරද මා සඳහන් කළ අතර, එහිදී පුද්ගලයකුගේ බුද්ධි මට්ටම මනින එක් සාධකයක් ලෙස ශීර්ෂ රේඛාව පෙන්වා දෙනවා.. එම නිසා එම කරුණු අනුව පුද්ගලයකුගේ ඕනෑම ක්‍රියාකලාපයක් ශීර්ෂ රේඛාවේ ස්වභාවය මත තීරණය වන බව අවබෝධ කර ගත හැකි අතරම පුද්ගලයකුගේ රැකියාව ද එක් ක්‍රියාකලාපයක් හෙයින් ශිර්ෂ රේඛාවේ ස්වභාවය අනුව පුද්ගලයකුට ගැළපෙන එනම් යෙදෙන වෘත්තිය ද තෝරා ගත හැකියි..
ඒ අනුව ශීර්ෂ රේඛාවේ ආරම්භය ගුරු මණ්ඩලයෙන් නම් නායකත්වය ලැබෙන සහ නායකත්වය බලාපොරොත්තු වන දේශපාලනය වැනි කේෂත්‍රයන් තෝරා ගැනීම ඉතාම සුදුසුයි...
ඔබේ ශීර්ෂ රේඛාව ඉහළ කුජ මණ්ඩලයෙන් අවසන් වන්නේ නම් නීතිඥා වෘත්තිය වැනි නීතිය සම්බන්ධ රැකියා හොඳින් ඔබට ගැළපෙන අතර, රේඛාව චන්ද්‍ර මණ්ඩලය දෙසට බෑවුම් වි පිහිටා ඇත්නම් නිර්මාණාත්මක දක්ෂතාවය සහ පරිකල්පන ශක්තිය වැඩි බැවින් ගෘහ නිර්මාණ ශිල්පය වැනි නිර්මාණාත්මක වෘත්තීන් ද චන්ද්‍ර මණ්ඩලයට ගමන් කරන රේඛාවේ අතු ශාඛා සහිත නම් මාධ්‍යවේදි වැනි වෘත්තීන්ද ඉතාමත් හොඳින් ගැළපෙනවා..
එමෙන්ම සෘජු ශීර්ෂ රේඛාවක් සහිත නම් ඔබට ගණිතය දර්ශනයට අදාළ වෘත්තීන් සහ නීති වෘත්තීය යා දෙන වෘත්තීන් වන අතර, ඇත්තේ වක්‍ර ශිර්ෂ රේඛාවක් නම් නිර්මාණාත්මක, කලාත්මක මානුෂික ගතිගුණ අවශ්‍ය මිනිසුන් හා ගැටෙන රැකියාවන් යහපත් වෙනවා... ජීවන රේඛාව සහ ශීර්ෂ රේඛාව එක ළඟින් එහෙත් වෙන වෙනම ආරම්භ වීම සිදුවන්නේ නම් කථිකත්වය සම්බන්ධ රැකියා ඉතාම සුදුසුයි...
ශීර්ෂ රේඛාව කුජ තලාවෙන් අවසන් වන්නේ නම් යන්ත්‍ර සූත්‍ර හා නිෂ්පාදන අංශයේ රැකියාද, රේඛාව රවි මණ්ඩලයට දෙසට ගොස් අවසන් වන්නේ නම් ලලිත කලා චිත්‍ර ශිල්පි ආශ්‍රිත රැකියාවන් ද තෝරා ගැනීම යහපත් වන අතර, ශිර්ෂ රේඛාව රවි බුධ මණ්ඩල අතරදි අවසන් වන්නේ නම් කලා හා වාණිජ අංශ දෙකකට අදාළ වෘත්තින් යහපත් වෙනවා...
ශීර්ෂ රේඛාව කරුවකින් අවසන් වන්නේ නම් නීති අංශය, වෛද්‍ය අංශය ද ශීර්ෂ රේඛාවෙන් අතු ශාඛාවක් රවි මණ්ඩලයට ගොස් රවි ඇඟිල්ලේ පළමු පුරුක වෙත දක්වා ගොස් ඇතිනම් උපතින්ම ඔහු කවියෙක්.. එම නිසා එම දක්ෂතාවයට අදාළ රැකියාව තෝරා ගැනීම සුදුසු වෙනවා... එසේම ශීර්ෂ රේඛාවේ අතු ශාඛාවක් බුධ මණ්ඩලයට ගමන් කර ඇත්නම්, ඔබට ව්‍යාපාර මඟින් දියුණුව ඇති කර ගත හැකියි... ශීර්ෂ රේඛාවේ ත්‍රිකෝණයක් පිහිටා ඇත්නම් ගුප්ත ශාස්ත්‍ර හොඳින් ගැළපෙනවා..
