සනත් නිශාන්ත හිටපු අමාත්‍යවරයාගේ මරණය සම්බන්ධව පසුගිය කාලයේ දැඩි කතාබහකට ලක් වුණා.
සමහර අවස්ථාවල ඔහුගේ මරණය සැක සහිත බවටද අදහස් පළ කර තිබුණා.මේ ඒ සම්බන්ධව ඇහෙන තවත් කතාවක්.
හිටපු රාජ්‍ය අමාත්‍ය සනත් නිශාන්ත ගමන්ගත් සුඛෝපභෝගී රථය ගැටුණු කන්ටේනර් රථයේ රියදුරා අද (12) අපරාධ පරීක්ෂණ දෙපාර්තමේන්තුවේ මනුෂ්‍ය ඝාතන සහ සංවිධානාත්මක අපරාධ විමර්ශන කොට්ඨාසය ට පැමිණ ප්‍රකාශයක් ලබා දී තිබෙනවා.
අප වාර්තාකරු පැවසුවේ කන්ටේනර් රථයේ රියදුරුගෙන් පැය 5ක පමණ ප්‍රකාශයක් සටහන් කරගෙන ඇති බවයි.
එම රිය අනතුර සිදුව ඇති ආකාරය සැක සහිත බැවින් ඒ සම්බන්ධයෙන් විධිමත් පරීක්ෂණයක් පවත්වන ලෙස ඉල්ලා සනත් නිශාන්තගේ බිරිඳ, නීතිඥ චමරි ප්‍රියංකා විසින් අපරාධ පරීක්ෂණ දෙපාර්තමේන්තුවට සිදුකළ පැමිණිල්ලක් හේතුවන් අපරාධ විමර්ශන කොට්ඨාසය මේ පිළිබඳව පරීක්ෂණ අරඹා තිබෙනවා.
