තම බිරිඳගේ අසනීප තත්ත්වයකට වියදම් කිරීමට මුදල් නොමැති වීම හේතුවෙන් බිරිඳටද වස පොවා සැමියා ද වස පානය කළ පුවතක් සූරියවැව ප්‍රදේශයෙන් වාර්තා වෙයි.
මෙසේ වස පානය කරගෙන දිවි නසා ගැනීමට උත්සාහ කර ඇත්තේ සූරියවැව වෙනිවැල් ආර ප්‍රදේශයේ පදිංචි පනස් අට හැවිරිදි හා පනස් හතර හැවිදි අඹු සැමියුලකි.
තම බිරිඳට කලක පටන් තිබූ කෂේරුකාවේ ආබාධයක් හේතුවෙන් ඇය එක්තැන්ව සිට ඇති අතර ඇයට ප්‍රතිකාර ලබා දීමට විශාල මුදලක් වියදම් කිරීමට සිදුවී තිබේ.
නමුත් ඒ සඳහා වියදම් කිරීමට ප‍්‍රමාණවත් ආර්ථික ශක්තියක් නොමැති වීම නිසා සැමියා බිරිඳටද වස පොවා තමන්ද වස පානය කර සියදිවි නසා ගැනීමට උත්සාහ කර ඇතැයි පොලිසිය සඳහන් කරයි.
වස පානය කිරීමෙන් අසාධ්‍ය ව සිටි දෙදෙනා අසල්වාසීන් විසින් රෝහල් ගත කර ඇත.
