කොළඹ – කටුනායක අධිවේගී මාර්ග රිය අනතුරකින් ජීවිතක්ෂයට පත් වු අමාත්‍ය සනත් නිශාන්ත මහතාගේ අවසන් කටයුතු ඊයේ සිදු කෙරුණා.
ඒ, රාජකදලුව රෝමානු කතෝලික සුසාන භූමියේ දී.
සනත් නිශාන්ත අමාත්‍යවරයාගේ අභාවය සැලවූ මොහොතේ සිට තමන් හා ශෝකය බෙදා හදා ගත් සියලු පාර්ශව වෙත අමාත්‍යවරයාගේ බිරිඳ සිය සංවේදී ස්තුතිය ප්‍රකාශ කර සිටියා.
මහින්ද රාජපක්ෂ මහතා ඇතුළු ප්‍රභුවරුන් බොහෝ දෙනෙක් වෙත ඇය සිය ස්තුතිය පළ කරන්නට අමතක කළේ නැහැ.
ඇය විසින් සිදු කළ ස්තුති කතාව පහතින්,
“සිද්ධිය සිදුවූ අවස්ථාවේ මට දුරකතන ඇමතුමකින් මා අමතා ශෝකය ප්‍රකාශ කළ පොදු ජන පෙරමුණේ ගරු බැසිල් රාජපක්ෂ මැතිතුමන්, සාගර කාරියවසම් මැතිතුමන්, ගරු කැබිනට් අමාත්‍ය පවිත්‍රා වන්නිආරච්චි ඇතුළු කාන්තා විධායක සභාව ප්‍රමුඛ සියලු සාමාජීකයින්ටත් ස්තුතියි.. වැඩවලින් හෙම්බත් වෙච්ච කාර්යමණ්ඩලයට…. සියලු රාජ්‍ය ආයතන නිලධාරින්ටත් ගෞරවනිය ස්තුති කරන්න මෙය අවස්ථාවක් කරගන්නවා. අමාත්‍යතුමන්ගේ ශෝකාකූල අවස්ථාව විකාශය කරන, මාධ්‍ය සහ සමාජ මාධ්‍ය ක්‍රියාකරුවන්ටත් මගේ ගෞරවනිය ස්තුතිය පිරිනමනවා. එතුමාගේ අභාවය සැලවූ මොහොතේ සිටන් ශක්තියක් වූ සියලු ලක්වාසී සැමටත්, ලෝක වාසී සැමටත්, එතුමාගේ සියලු ඥාතී හිතවතුන් වෙනුවෙන් ගෞරවනිය ස්තුතිය පිරිනමනවා.”
