මිනිස්සු ආදරේ ගැන කියන්න ගන්නෙ ඒක පූජනීය හැඟීමක් කියලා. අනිත් දේ මේ ලෝකෙ නැතුවම බැරි වස්තුව ඒක වග කියලා. හැබැයි ඒ ආදරේම වියරුවක් වෙන තැන්, හිරිහැරයක් වෙන තැන් එනවා.. ඒක ඛේදයක්…. මොකද්ද එහෙම වෙන්න හේතුව…?
තමන් ජීවිතේම කරගත්ත කෙනෙක් පිටගම් යනවා බලන්න කවුද කැමති..? ඒකත් තමන් එක්ක නිදි යහන පවා බෙදාගන්න කෙනෙක් එහෙම පිටුපානකොට දැනෙන දුක මහාමෙරක්..
මේ සිද්ධිය වුණේ බදුල්ල පළාතේ. ලොකු කතාවක් නෙවෙයි, හැබැයි පොලිස් පොතෙත් ලියවුණු කතාවක්.. වියරු ප්රේමයක් ගැන ලොකු ඛේදාන්තයක්..
මේ එක පුද්ගලයෙකුගේ පාපොච්චාරණයක්..
“මට නෙහා හම්බෙන්නෙ හපුතලේ දී. අහම්බෙන් බිස්නස් වැඩකට හම්බුණේ. ඒ දවස්වල නෙහාට මිනිහෙක් හිටියා. මිනිහා හෙන දඩාර සයිස් පොරක්. නාහෙට අහන්නෙ නැති එකෙක්. අවුල් චරිතයක්. ගමේ එවුනුත් වැඩි කැමැත්තක් නෑ මිනිහට. ඉතින් නෙහා වැඩි කාලයක් හිටියේ නෑ මිනිහා එක්ක. මාත් එක්කම බදුලු ආවා..”
“කෙටියෙන් කිව්වොත් පැනලා තමයි ආවේ. පස්සෙ අපි කාලයක් සතුටින් හිටියා. මම ජොබ් එක කළේ බදුල්ල ටවුන් එකේ. ගෑනි ගෙදර.. ඒක අපි කුලියට ගත්ත ගෙයක්.. නෙහා ගොඩක් ලස්සනයි.. ඒ කියන්නෙ තනිකරම ඉටිරූපේ. ඒ නිසා මම පාරේ එක්කන් ගියත් කට්ටිය බලනවා. සෙක්සි ඉතින්…”
“ඕක ඉතින් මටත් ටිකක් ආඩම්බරයි. මොකද ගමටම හිටපු ලස්සන ගෑනිනේ. ඒ වගේම තමයි ගෑනිගේ වෙච්චූරන වලට වියදම් එහෙමත් වැඩී මට.. ඔහොම ගිහින් තමයි ගෑනි මටත් හොරෙන් ගමේ පොඩි එකෙක් එක්ක මඟුල් නටන්න ගත්තේ. ඔය පොඩි එකා මගේ හොඳ ගෝලයෙක්. ඌ එක එක වැඩවලට ගෙදර ඇවිත් අපේ එකී එක්ක
හාද වෙලා..”
“මුන් දෙන්නා ෆේස්බුක් එකෙත් චැට් කරලා. ඔහොම ගිහින් මට ටිකක් සැක හිතුණා. මම ගෑනිට හොරෙන් ගෑනිගේ ෆෝන් එක බැලුවා. වැඩේ මාට්ටු… මුන් දෙන්නා මට හොරෙන් ගේම ගහන්නේ.. කොටින්ම මූ රූම් ගානෙත් අරන් ගිහින්.. මුන් දෙන්නට අරුම පුදුම ආසාවල් තිබිලා තියෙන්නේ.
‘අහන්නකෝ වස්තුව.. මට ඔයාව ඕනි.. ඔයා හෙට එනවද මම අරන් දුන්න නිල් පාට නයිටි එක ඇඳන්.. ආ… තව බඩ්ඩක්.. අපි දෙන්නා හවස ෆිල්ම් එකක් බලන්නත් යමු. අද අයියා රෑ වෙනවනේ..’ ඔන්න ඔහොම මැසේජ් ගොඩක් තිබ්බා..”
“මං ඒ වෙලාවේ තමයි ගෑනිව ගෙන්නලා ප්රශ්න කළේ. අන්තිමට ගෑනිට පිළිගන්න වුණා. මම ගෑනිට ගැහුවා. ලේ පෙරෙන්න ගැහුවා. අන්තිම ගෑනි වැඳ වැටුණා. ඒත්.. මම අතෑරියේ නෑ. ගමේ එවුනුත් කලබල වෙලා ආවා. ගෑනිව හොස්පිට්ල් අරන් ගියා… ලොකු අමාරුවක් නැල්ලූ. දතක් කඩලා ගිහිල්ලලූ. මම මේ පොලිසියට ආවේ භාරවෙන්න සර්…”
