මේ අතර ඉන්ධන හිඟයක් හේතුවෙන් ගාසා තීරයේ ජංගම දුරකථන සහ අන්තර්ජාල සේවා අඩාල වී ඇති බවයි පලස්තීන දුරකථන සමාගම් පවසන්නේ
දුරකථන සමාගම් වන Jawwal සහ Paltel පවසන්නේ ඔවුන්ගේ ජනන යන්ත්‍ර නඩත්තු කරන සියලුම බලශක්ති ප්‍රභවයන් අවසන් වී ඇති බවයි.
යුද ගැටුම් ආරම්භයේ සිටම ඊශ්රායලය ගාසා තීරයට එක් ඉන්ධන බෙදා හැරීමක් හැර අනෙක් සියල්ල අවහිර කර තිබූ බවද සඳහන්
ඊශ්රායලය ගාසා තීරයට ප‍්‍රහාර එල්ල කිරීම ආරම්භ කළේ හමාස් සංවිධානය විසින් ඔක්තෝබර් 7 එල්ල කළ ප‍්‍රහාරයෙන් පුද්ගලයන් 1,200ක් මිය ගොස් 200කට වැඩි පිරිසක් ප්රාණ ඇපයට ගැනීමෙන් පසුවයි .
එතැන් සිට ගාසා තීරයේ පුද්ගලයින් 11,500 කට වැඩි පිරිසක් මියගොස් ඇති බව හමාස් පාලනය යටතේ පවතින සෞඛ්‍ය අමාත්‍යාංශය පවසනවා
