ශ්‍රී ලංකා විදේශ සේවා නියුක්ති කාර්යාංශය සඳහන් කළේ, මේ වන විට එම මෘත ශරීර පිළිබඳ නීතිමය කටයුතු අවසන් කර ඇති බවයි.
එමෙන් ම දේහ මෙරටට එවීම සඳහා ගුවන් සමාගම වෙත භාරදී ඇති බව කාර්යාංශයේ නියෝජ්‍ය සාමාන්‍යාධිකාරි සහ මාධ්‍ය ප්‍රකාශක ගාමිණි සෙනරත් යාපා මහතා ප්‍රකාශ ප්‍රකාශ කළා.
කෙසේ වෙතත් එය දේහයන් මෙරටට රැගෙන ඒමට නම් ගුවන් යානාවන්හි ඉඩ පැවැතිය යුතුයි.
ඒ සමඟම ඔවුන් දෙදෙනාගේ සිවු හැවිරිදි දියණිය ද මෙරටට පැමිණීමට නියමිතයි.
මේ වන විට එම සිඟිත්තිය ඇගේ මවු පාර්ශ්වයේ ඥාතියකු සමඟ රෝහල් භාරයේ සිටින බවයි ගාමිණි සෙනරත් මහතා කියා සිටියේ.
එම ඥාතියා සමඟ මෙරටට පැමිණෙනු ඇති.
මෙසේ මැලේසියාවේදී ඉකුත් 21 වැනිදා රිය අනතුරකට මුහුණ පා මියගොස් තිබුණේ ගාල්ලේ, වඳුරඹ, කුඹලමලහේනේ පදිංචිව සිටි සෂික රංගොඩ හා ඔහුගේ බිරිය වන ශාමෙලා රංගනී ජයතිලක නමැති යුවළයි.
ඔවුන්ගේ මෘත ශරීර ලැබුණු පසු, ගාල්ල ඉමදූවේ පිහිටි සෂිකගේ නිවෙසට ගෙන ගොස් අවසන් ගෞරව සඳහා එහි දිනක් තබන බව සඳහන්.
ඉන් අනතුරුව වඳුරඹ පිහිටි ඔවුන් පදිංචිව සිටි නිවෙසේ තබා අවසන් කටයුතු සිදු කරනු ලබන බව පවුලේ ඥාතියෙක් ප්‍රකාශ කළා.
