RM Parks සමාගම තෙල් සංස්ථාවට අයත් ඉන්ධන පිරවුම්හල් 150ක් තුලින් ඉන්ධන බෙදා හැරීම ආරම්භ කිරීමට නියමිත අතර ඔවුන් විසින් පසුව ඉන්ධන හල් 50ක් විවෘත කිරීමට අපේක්ෂිතය. ඒ අනුව RM Parks සමාගම සෑම දිස්ත්‍රික්කයකම අවම වශයෙන් එක් ඉන්ධන පිරවුම්හලක් සහ නාගරික ප්‍රදේශයන්හී බහුවිධ බෙදාහැරීමේ ස්ථාන ඉදිකරනු ඇත. RM Parks සමාගම ද සිය ඉන්ධන වට්ටම් මිලකට පාරිභෝගිකයාට අලෙවි කිරීමට අපේක්ෂිතය.
ලංකා ඛනිජ තෙල් නීතිගත සංස්ථාව සමඟ ඛනිජ තෙල් නිෂ්පාදන ආනයනය කිරීම, බෙදා හැරීම සහ විකිණීම සඳහා RM Parks සමාගම පසුගිය ජුනි මාසයේදී වසර 20ක ගිවිසුමක් අත්සන් කළේය.
