හැමෝම වෙන්න කැමති හැකර් කෙනෙක් කියන්නේ කවුද?

ඇත්තටම හැකර් කෙනෙක් කියන්නේ කාර්මික ගැටළුවක් මඟහරවා ගැනීම සඳහා පරිගණකය, ජාලය හෝ වෙනත් කුසලතා භාවිතා කරන පුද්ගලයෙකි. අපරාධ කිරීම සදහා System හෝ  Network වලට අනවසරයෙන් ප්‍රවේශ වීම සඳහා තම හැකියාවන් භාවිතා කරන ඕනෑම අයෙකු මෙම ගණයට අයත් වේ. සාමාන්‍යයෙන් හැකර්කෙනෙකු විසින් අනන්‍යතා සොරකම් කිරීමෙන් මිනිසුන්ට රිදවීමට හෝ පද්ධතියක් ගෙන්වා ගැනීමට, තොරතුරු සොරා ගැනීමට සහ කප්පම් මුදලක් ලබා ගැනීම සඳහා බොහෝ විට එය ප්‍රාණ ඇපයට තබා ගැනීම සිදු කරයි.

කොහොමද මේ හැකර්ස්ලා වැඩ කරන්නේ ?
හැකර්වරුන් Cybersecurity බිදහෙලිම සඳහා තාක්‍ෂණික කුසලතා භාවිතා කරති. Ethical හැකර්ස්ලා පරිගණකගත හෝ ජාලගත පද්ධති වල දුර්වලතා පරීක්‍ෂා කරන අතර අවසරයෙන් ඇතුළුවීම වෘත්තියක් ලෙස සිදු කරයි. මොවුන්ගේ අවසාන ඉලක්කය වන්නේ බොහෝ විට පරිගණක, ජාල, පරිගණක පද්ධති, ජංගම උපාංග හෝ අන්තර්ජාල දේපල වෙත අවසරයක් සහිතව ප්‍රවේශ වී පද්ධතියේ ඇති දුර්වලතා පෙන්වා දී පද්ධතිවල ආරක්‍ෂාව වැඩිදියුණු කිරීමට උපදෙස් ලබාදීම වේ.

බොහෝ Ethical හැකර්වරුන් තම කුසලතා භාවිතා කර Enterprise System වල පද්ධති දෝෂ නිශ්චය කර ගන්නා අතර අනතුරුව තර්ජනයන් මගහරවා ගැනීම සඳහා සමාගම් සිය පද්ධති ආරක්‍ෂාව ඉහළ නංවා ගත යුත්තේ කෙසේදැයි උපදෙස් දෙති. Malicious හැකර්ස්ලා විසින් Login Credential, මූල්‍ය තොරතුරු සහ වෙනත් සංවේදී තොරතුරු සොරකම් කරයි. එවැනි අවස්තා වලදී පද්ධතියට සිදුවන හානිය අවම කිරීමට ඔවුන් කටයුතු කරයි.

බොහෝ හැකර්වරුන්ගේ අරමුණ වන්නේ තාක්‍ෂණික හෝ සමාජීය දුර්වලතා උපයෝගී කරගනිමින් ආරක්‍ෂාව බිඳ දැමීමයි. තාක්ෂණික දුර්වලතා වලට Software වල ඇති දුර්වලතා හා Hardware වල දුර්වලතා ඇතුළත් විය හැකිය. සමාජ දුර්වලතා ප්‍රයෝජනයට ගැනීම සඳහා, හැකර්වරුවන් සම-සේවකයෙකු හෝ වෙනත් පුද්ගලයෙකු ලෙස පෙනී සිටිමින්  මූල්‍යමය හෝ පිවිසුම් තොරතුරු ලබා ගැනීම වැනි බොරු මවාපෑම් තුළින් සමාජය හසු කර ගැනීමට උත්සාහ කරයි. අනතුරුදායක Malware ස්ථාපනය කිරීමට, දත්ත සොරකම් කිරීමට හෝ විනාශ කිරීමට හෝ ආයතනයක සේවාවන් කඩාකප්පල් කිරීමට හැකර්වරුන් සිය තාක්ෂණික කුසලතා භාවිතා කරයි.

සමහර විට කාර්මික කුසලතා නොමැති අපරාධ හැකර්වරුන් බොහෝ විට ආයතනික ජාල තුළට ඇතුළු වීම සඳහා පිටපත් සහ විශේෂයෙන් සැලසුම් කරන ලද Software භාවිතා කරති.

විවිධ වර්ගයේ හැකර්වරුන්?
අතීතයේදී ආරක්‍ෂක ප්‍රජාව Hat Colour ගැන සඳහන් කිරීමෙන් සාමාන්‍යයෙන් ප්‍රධාන වර්ග 6 කට බෙදා විවිධ හැකර්වරුන් හඳුනා ගැනීමේ ක්‍රමයක් ලෙස භාවිතා කළහ.මෙම ප්‍රධාන වර්ග 6 පිලිබදව පහත සදහන්ව ඇත.


Black Hat හැකර්වරු
Black Hat හැකර්වරු යනු ද්වේෂසහගත චේතනාවෙන්, අවසර රහිතව පරිගණක ජාල වලට කඩා වදින අපරාධකරුවන් ය. ලිපිගොනු විනාශ කිරීමට,පරිගණක ප්‍රාණ ඇපයේ තබාගෙන හෝ Password, ක්‍රෙඩිට් කාඩ් අංක සහ වෙනත් දත්ත හා සංවේදී තොරතුරු සොරාගැනීමට ඔවුන්ගේ හැකියාව භාවිතා කරයි.

White Hat හැකර්වරු
White Hat හැකර්වරු System Attack වලින් ආරක්ෂා වීමට ඔවුන්ගේ කුසලතා භාවිතා කරති. ප්‍රහාර වලට ලක්වීමට පෙර එය සඳහා ඇති පද්ධතියේ දුර්වලතා සොයා ඒවා අවම කිරීමට White Hat හැකර්වරු ක්‍රියා කරති.පද්ධති මට්ටමින් හෝ ජාල මට්ටමින් සේවාදායකයාගේ Security Actions වැඩි දියුණු කිරීමට හෝ අනවසර පරිශීලකයෙකුට භාවිතා කළ හැකි අවදානම අවම කිරීමට ඔවුන් සමාගම් සමඟ කටයුතු කරයි.

Grey Hat හැකර්වරු
Grey Hat හැකර්වරු Black hat සහ White Hat යන ක්‍රියාකාරකම් දෙකම සිදු කරයි. Grey Hat හැකර්වරු බොහෝ විට අයිතිකරුගේ අවසරයකින් හෝ අනුදැනුමකින් තොරව පද්ධතියක ඇති අවදානම් සොයයි. ගැටළු හමු වුවහොත්, ඔවුන් ඒවා අයිතිකරුට වාර්තා කරන අතර සමහර විට ගැටළුව විසඳීම සඳහා සුළු මුදලක් අය කෙරේ.අරමුණ කුමක් වුවත් අළු තොප්පි හැකර්වරු අනවසරයෙන් ඇතුළුවීම නීති විරෝධී ය.

Green hat හැකර්වරු
Green Hat හැකර්වරු ක්ෂේත්‍රයට නවකයකු වන නමුත් එහි දස්කම් දැක්වීමට දැඩි උනන්දුවකින් ක්‍රියා කරයි. මොවුන් Neophyte or Noob ලෙසද හැදින්වේ.මොවුන් ආරක්ෂක යාන්ත්‍රණය සහ වෙබ් අඩවීවල අභ්‍යන්තර ක්‍රියාකාරිත්වය ගැන නොදනිති, නමුත් ඔවුන් දැඩි ලෙස ඉගෙනීමෙන් හා අධිෂ්ඨානශීලීව සිටීමෙන් හැකර්වරුන්ගේ ප්‍රජාව තුළ ඔවුන්ගේ ස්ථානය ඉහළ නැංවීමට උත්සාහ දරයි. කෙසේ වෙතත්, ඔවුන්ගේ අරමුණ හානියක් සිදු කිරීම පමණක් නොවේ.

Blue Hat හැකර්වරු
Blue Hat හැකර්වරු Vengeful හැකර්වරු ලෙසද හදුන්වයි. මොවුන් සදහා Cybersecurity ක්ෂේත්‍රය තුළ අර්ථකථන දෙකක් පවති.

Revenge seekers - මෙම හැකර්වරු මුදල් හෝ කීර්තිය ගැන තැකීමක් නොකරති. පුද්ගලයෙකුගෙන්, ආයතනයකින් හෝ රජයෙන් පළිගැනීමක් කිරීමට ඔවුහු ක්‍රියාකරයි. මොවුන් Malware භාවිතා කරන අතර ඔවුන්ගේ දත්ත, වෙබ් අඩවි හෝ උපාංග වලට හානි පමුණුවමින් ඔවුන්ගේ සතුරන්ගේ ජාල වෙත විවිධ Cyber ප්‍රහාර එල්ල කරති.
Outside security professionals - Blue Hat හැකර් යනු සංවිධානයෙන් පිටත වැඩ කරන ආරක්ෂක වෘත්තිකයන් ය. සමාගමක් තම නව මෘදුකාංගය මුදා හැරීමට පෙර පරීක්‍ෂා කර ආරක්‍ෂිත දුර්වලතා සෙවීමට සමාගම් බොහෝ විට ඔවුන්ට ආරාධනා කරති. සමාගම් මෙම Blue Hat හැකර්වරුන් සඳහා වරින් වර සම්මන්ත්‍රණ සංවිධානය කර ඔවුන්ගේ Crucial Online System වල  Vulnerabilities / Bug සොයා ගැනීමට කටයුතු කරති.
Red Hat හැකර්වරු
White Hat හැකර්වරුන් මෙන්ම Red Hat හැකර්වරුන් ද, Black Hat හැකර්වරුන්ගෙන් සිදුවන ප්‍රහාර වලක්වා ගැනීම සිදු කරයි. නමුත් ඔවුන් තම අරමුණු සාක්ෂාත් කර ගැනීම සඳහා අන්තවාදී සහ සමහර විට නීති විරෝධී මාර්ග තෝරා ගනී. ඇත්තටම කිව්වොත් මොවුන් Cybersecurity ක්ෂේත්‍රයේ රොබින් හුඩ් හා සමානයි එනම් ඔවුන් නිවැරදි දේ කිරීමට වැරදි මාවතක් තෝරාගනී. රතු තොප්පි හැකර්වරු මෙවා සිදු කිරීම සඳහා පහත උපක්‍රම භාවිතා කරති,

අපරාධ හැකර්වරුන්ගේ පද්ධති Malware වලින් Attack කිරීම.
DDoS ප්‍රහාර දියත් කිරීම.
හැකර්ගේ පරිගණකය බිඳ දැමීම සඳහා දුරස්ථ ප්‍රවේශය ලබා ගැනීම සඳහා මෙවලම් භාවිතා කිරීම වැනිදෑ සිදුකරයි.
සෑම ආකාරයකම අනවසරයෙන් ඇතුළුවීම අනිෂ්ට දෙයක් ලෙස නොසලකන නමුත්, තර්ජනයට ලක්වන පාර්ශවයන් සංවෙදී තොරතුරු සමග කටයුතු කරන බැවින් මොවුන්ගෙන් ආරක්‍ෂා වීමට ශක්තිමත් Cybersecurity Defense එකක් අවශ්‍ය වේ.යම්කිසි ආයතනයක් හෝ පුද්ගලයකුට මෙම Cyber Attack තුලින් ඇති අවදානම අඩුකරගැනීමට නම්, Software සහ System  Up To date Update කර තිබීම, තම ජාලයට Firewall  ස්ථාපනය කිරිම, තම වටිනා දත්ත Backup කර තිබීම, System එක තුලට පිවිසිය හැකි පුද්ගලයන් ප්‍රමාණය අවම කිරීම සහ Strong Password එකක් යෙදීම වැනි දෑ තුලින් මෙම අවදානම අඩුකරගත හැකිය.
 
-Android වැඩකාරයෝ

අලුත්ම iPhone 13 සීරීස් එකත් එක්ක සටන් වදින්න එන ඇන්ඩ්‍රොයිඩ් ස්මාට්ෆෝන්!

මේ දවස් වල ටවුන් එකේ අලුත්ම ටොපික් අතරේ එකක් තමයි ඇපල් කට්ටිය එනවුන්ස් කරපු  iPhone 13, iPhone 13 Pro සහ iPhone 13 Pro Max අලුත් ස්මාට්ෆෝන් සීරීස් එක. මේ නිව්ස් එක අහපු ගමන් සමහරු තමන් දැන් පාවිච්චි කරන ෆෝන් එක විසින් කරලා අලුත්  iPhone 13 Pro එක ගන්න ප්ලෑන් කළා. ඒ අතරේ තව සෙට් එකක් තමන්ගේ වකුගඩුවක් විකුණලා අලුත්  iPhone 13 Pro Max එක ගන්න වෙයිද, නැත්තං ඒත් මදි වෙලා අතක් පයක් එහෙමත් විකුණන්න වෙයිද කියලා විස්සෝප වුණා. ඒ අතරේ ඇන්ඩ්‍රොයිඩ් ලෝකේට පෙම් බඳින බඹරු ඇවිත් ඇපල් ෆෑන්ස්ලට කෝචොක් දාන්න පටන් ගත්තා, iPhone 13 ෆෝන්ස් වල වෙනසක් කියලා තියෙන්නේ කැමරා සෙට් එක එහෙට්ට මෙහෙට්ට කරලා විතරයි කියලා. iPhone 13 Pro එකේ අලුතෙන් හඳුන්වා දෙන ෆීචර්ස් ඇන්ඩ්‍රොයිඩ් වලට ආවේ මීට අවුරුදු ගාණකට කළින් කියලා උන්දැලා හිනා වෙන්න ගත්තා!

හරි, ඔය කවුරු හරි වැරදි වුණත්, ඇපල් කට්ටිය  iPhone 13 Pro එක සහ  iPhone 13 Pro Max එකත් එක්ක අලුත් ෆීචර්ස් මොනව මොනවා හරි හඳුන්වලා දෙනවා කියන එක ගැන අමුතුවෙන් කියන්න දෙයක් නෑ. හැබැයි ඒ එක්කම ඔය ෆෝන්ස් වල මිල ගණන් වුණත්, රුපියල් වලින් ගත්තහම මිලියන බාගෙන් එහා පැත්තේ කියන එක ගැනත් අමුතුවෙන් කියන්න දෙයක් නෑ. ආන්න ඒ නිසා අපි හිතුවා,  iPhone 13 Pro සහ  iPhone 13 Pro Max වලට චැලෙන්ජ් කරන්න අනික් ස්මාට්ෆෝන් නිෂ්පාදකයන් ඉදිරිපත් කරන ස්මාට්ෆෝන්ස් කීපයක් ගැනත් හොයලා බලන්න!

1. Galaxy S21 Ultra

iPhone 13 Pro Max එකේ ගාණටම කිට්ටුවෙන් යයි කියලා හිතන Galaxy S21 Ultra තමයි ඇන්ඩ්‍රොයිඩ් කෑම්ප් එකෙන් එන්න ඉන්න චැම්පියන්. සයිස් එකෙන් එහෙමටම ලොකු වෙනසක් නැති වුණත්, Galaxy S21 Ultra එක ඇපල් අලුත් සාමාජිකයෝ දෙන්නටම වඩා ටිකක් මහතින් වැඩියි වගේ. හැබැයි පේන විදියට ස්ක්‍රීන් කොලිටි එකත් ඇපල් සඟයෝ දෙන්නට වඩා ඉහළයි වගේ. හැබැයි ඇපල් Super Retina XDR ස්ක්‍රීන් එකට වඩා Infinity-O Dynamic AMOLED ස්ක්‍රීන් එක කොලිටියෙන් වැඩියිද කියන එක පොඩ්ඩක් බලන්න ඕන දෙයක්. කොහොමත් Galaxy S21 Ultra එකේ බැටරි ලයිෆ් එකත් සෑහෙන්න උඩින් තියෙනවා. 5,000 mAh!Galaxy S21 Ultra එක කැමරා සෙන්සර් හතරක සිස්ටම් එකකින් සමන්විතයි. Qualcomm Snapdragon 888 චිප් සෙට් එකත් එක්ක අති විශිෂ්ට බලයක් ලබාගන්නත් Galaxy S21 Ultra හිතාගෙන ඉන්නවා.

2. OnePlus 9 Pro

චයිනීස් ස්මාට්ෆෝන් බ්‍රෑන්ඩ්ස් අඩු කුලේ කියලා හිතාගෙන හිටියේ ඉස්සර. දැන් OnePlus එහෙම සැලකෙන්නේ චයිනීස් බ්‍රෑන්ඩ්ස් අතරේ රදළ කුලේ කියලා තමයි. කොහොමත් OnePlus කට්ටිය ගහන්නේ හයි-එන්ඩ් ස්මාට්ෆෝන් කියන එක අමුතුවෙන් කියන්න දෙයක් නෑ. ඉතින් OnePlus 9 Pro එකත් තව සෑහෙන්න ෆීචර්ස් පැක් කරගෙන එන්නේ කියලා අපිට දැනටම අනුමාන කරන්න පුළුවන්. හැබැයි රුපියල් වලින් ලක්ෂ දෙකකට, දෙකහමාරකට වැඩි වෙන්නෙත් නෑ කියලා අනුමාන කරන්නත් පුළුවන්. සයිස් එකෙන් ඇපල් iPhone 13 Pro Max එකට වඩා පොඩි වෙනසක් විතරක් තියෙන OnePlus 9 Pro එකේ ඩිස්ප්ලේ එක විදියට එන්නේ LTPO Fluid AMOLED එකක්. කැමරා හතරක සෙටප් එකක් එක්ක එන OnePlus 9 Pro එකෙත් තියෙන්නේ Qualcomm Snapdragon 888 චිප් සෙට් එක. එතකොට ෆෝන් එකේ ජවය ගැන අමුතුවෙන් කියන්න දෙයක් නැහැනේ!

3. Galaxy S21

ඇත්තටම Galaxy S21 කියන්නේ, අපි කතා කරමින් ඉන්න අලුත් ඇපල් සගයන් දෙන්නට කෙලින්ම ගේමට වරෙන් කියන්න ගැළපෙන ස්මාට්ෆෝන් තරගකාරයෙක් නෙවෙයි. හැබැයි iPhone 13 එකට නම් ගේම කෝල් කරන්න නම් බය නැතුව Galaxy S21 බස්සන්න පුළුවන්. මිල ගණන් අතින් බැලුවොත්, එහෙම දැනෙන තරම් වෙනසක් වෙන්නෙ නෑ. හැබැයි ඇපල් iPhone 13 Pro සහ iPhone 13 Pro Max දෙකට වඩා නං Galaxy S21 සෑහෙන්න ලාබයි. සයිස් එකත් ලොකු වෙනසක් නැහැ. මේ Galaxy S21 ස්මාට්ෆෝන් එකටත් එන්නේ Infinity-O Dynamic AMOLED ඩිස්ප්ලේ එක. චිප් සෙට් එකත් Qualcomm Snapdragon 888 තමයි. සම්පූර්ණ හැකියාවන් අතින් බලනකොට, සාපේක්ෂව දරන්න පුළුවන් මිලට හොඳ ස්මාට්ෆෝන් එකක් කියලා Galaxy S21 ගන්න පුළුවන්. iPhone 13 අමතක කරලා දාලා!

4. Samsung Galaxy Z Fold 3

ඇපල් කට්ටියගේ iPhone 13 Pro Max එක මොන තරම් වැඩ කිඩ තිබුණත්, ඒක නවන්න පුළුවන් ෆෝන් එකක් නෙවෙයිනෙ බ්‍රෝ? ආන්න එහෙම කියන අයගේ චැම්පියන් තමයි Samsung ඊයෙ පෙරේදා එනවුන්ස් කරපු Galaxy Z Fold 3 ස්මාට්ෆෝන් එක. ඔවු, තුන්වෙනි පරම්පරාවේ නවන්න පුළුවන් ස්මාට්ෆෝන් එකක්. මේකට පුළුවන් අඟල් 7.6 ක, දිග ඇරියහම කිසිම එහා මෙහා වීමක් නැති, නවන්න පුළුවන් Foldable Dynamic AMOLED 2X ඩිස්ප්ලේ එකක් ලබාදෙන්න. ඒ Infinity Flex ඩිස්ප්ලේ තාක්ෂණය එක්ක. Qualcomm Snapdragon 888 5G චිප් සෙට් එකත් එක්ක මේ ස්මාට්ෆෝන් එකට පවර්හවුස් එකක ජවයක් ලබාදෙන්න පුළුවන් කියලා තමයි කියන්නේ. මේකේ හැකියාවන් ගත්තහමත්, බය නැතුව iPhone 13 සීරීස් එකට චැලේන්ජ් කරන්න පුළුවන්!

5. Xiaomi Mi 11 Ultra

මේ අවුරුද්දේ මුල හරියේ රිලීස් වුණු Xiaomi Mi 11 Ultra එකට පුළුවන් වෙයිද ඇපල් iPhone 13 සීරීස් එකත් එක්ක තරගයක් දෙන්න? ඔය ඇපල් ෆෑන්ස්ලා වැටිලා ඉන්න යම් යම් කාරණා අමතක කරන්න පුළුවන් නම්, උත්තරේ ඔව්. ඇයි අපි එහෙම කියන්නේ? AMOLED ඩිස්ප්ලේ එකක් තියෙන මේ Xiaomi Mi 11 Ultra එකේ ඩිස්ප්ලේ එක නරක නෑ. බලය ගැන හිතුවොත්, Qualcomm Snapdragon 888 5G චිප් සෙට් එකකින් සහ තව හොඳ හාඩ්වෙයාර් සෙට් එකකින්, Xiaomi Mi 11 Ultra එකට පුළුවන් iPhone 13 සීරීස් එකට චැලේන්ජ් කරන්න. එතකොට මේකේ කැමරා සිස්ටම් එක කැමරා සෙන්සර්ස් තුනකින්, 120X සූම් හැකියාවක් එක්ක එන සුපිරි ලෙවල් එකේ සිස්ටම් එකක්. එතකොට බැටරියත් 5000 mAh බලයක් එක්ක හොඳ බැටරි කාලයක් ලබාදෙනවා කියලා සහතික වෙන්න පුළුවන්!

6. Vivo X70 Pro+

Vivo බ්‍රෑන්ඩ් එකත් චයිනීස්. ඇත්තටම OnePlus සහ OPPO ෆෝන්ස් හදන සමාගම් දෙකේ සහෝදර සමාගමක් වෙන Vivo එක, මේ බ්‍රෑන්ඩ් තුනෙන් ලෝ-එන්ඩ් කියලා තමයි මෙච්චර කාලයක් තිබුණු අදහස වුණේ. හැබැයි දැන් වෙනකොට Vivo එකත් ඉහළ මිල ගණන් වලට අලෙවි වෙන, සුපිරි ස්පෙක්ස් තියෙන ස්මාට්ෆෝන් ලයින්ස් හඳුන්වලා දෙන්න පටන් අරගෙන තියෙන්නේ. ඒකට හොඳ උදාහරණයක් තමයි vivo X70 Pro+ කියන්නේ. මේකත් ඉස්සරහට එන්න නියමිතයි. දැන් මේ vivo X70 Pro+ ෆෝන් එක ගත්තහම, වර්ණ බිලියනයක් තියෙන LTPO AMOLED ඩිස්ප්ලේ එකක් මේකේ තියෙනවා. එතකොට Qualcomm Snapdragon 888+ 5G චිප් සෙට් එක එක්ක, බලවත් හාඩ්වෙයාර් ටිකක් මේකේ තියෙනවා.  කැමරා මොඩියුල්ස් 4 ක සිස්ටම් එකක් එක්ක හොඳ කැමරා ආත්දැකීමක් ලබාදෙන්න මේ ස්මාට්ෆෝන් එක සමත්. එතකොට  4500 mAh බැටරි එකක් තියෙනවා. මේක iPhone 13 එකට චැලේන්ජ් එකක්ද එතකොට? අනිවාර්යයෙන්ම ඔව්!

7. Google Pixel 6 Pro

ඇපල් ප්‍රොඩක්ට්ස් වලට හොඳ තරගයක් දෙන්න ගූග්ල් කට්ටියට හැකියාව තියෙනවා කියන එක අපි අත්දැකීමෙන් දැකලා තියෙනවනේ. ඉතින් ඇපල් iPhone 13 සීරීස් එක දණගස්වන්න පුළුවන් වෙයි කියලා ගූගල් ලෝලීන් විශ්වාස කරන අද්භූත චැම්පියන් කෙනෙක් තමයි Google Pixel 6 Pro කියන්නේ. ඇත්තටම මේ ස්මාට්ෆෝන් එක තාම එනවුන්ස් කරලවත් නෑ. හැබැයි ටෙක් ඕපදූප වලින්, Google Pixel 6 Pro කියන්නේ මොන වගේ පවර්හවුස් ස්මාට්ෆෝන් එකක්ද කියන එක ගැන යම් අදහසක් ලබාගන්න පුළුවන්. අහන්න ලැබෙන විදියට AMOLED ඩිස්ප්ලේ එකක්, Google Tensor (5 nm) චිප් සෙට් එකක් සහ තවත් ප්‍රබල හාඩ්වෙයාර් සෙට් එකක් එක්ක තමයි මේ Google Pixel 6 Pro එක එන්න නියමිතව තියෙන්නේ. ඒ විතරක් නෙවෙයි, තාමත් රිලීස් වුණේ වත් නැති Android 12 මෙහෙයුම් පද්ධතියෙන් මේ Google Pixel 6 Pro එක බලගැන්වෙනු ඇති කියලා තමයි අහන්න ලැබෙන්නේ. කැමරා මොඩියුල් තුනක සිස්ටම් එකක්, 5000 mAh බැටරියක සහ තවත් සෑහෙන්න විශේෂාංග එක්ක, Google Pixel 6 Pro කියන්නේ iPhone 13 සීරීස් එකට චැලේන්ජ් එකක් වෙයි කියලා අපිට හිතන්න පුළුවන්!

අඩුවූ කොවිඩ් ආසාදිතයින් සහ මරණ

දින 85කට පසුව මෙරට දෛනික කොවිඩ් ආසාදිතයින් සංඛ්‍යාව ප්‍රථමවරට ඊයේ (27) 1,000 සීමාවට අඩුවෙන් වාර්තා විය.

ඊයේ මෙරටින් කොවිඩ්-19 ආසාදිතයින් 983ක් හඳුනාගැණුනි.

ඒ අනුව දෛනික ආසාදිතයින් සංඛ්‍යාව 1,000 සීමාවට අඩුවෙන් වාර්තාවී ඇත්තේ දින 85කට පසුවීම විශේෂත්වයකි.

මීට පෙර අවසන් වරට ආසාදිතයින් සංඛ්‍යාව 1,000 සීමාවට අඩුවෙන් වාර්තාවී තිබුණේ පසුගිය ජූලි 05 වනදා වන අතර එය 869කි.

පසුගිය අගෝස්තු 20 වනදා එනම් නිරෝධායන ඇඳිරිනීතිය පනවන අවස්ථාව වනවිට දෛනික ආසාදිතයින් සංඛ්‍යාව 4,890ක් ලෙස සටහන් විය.

අගෝස්තු 26 වනදා වැඩිම ආසාදිතයින් සංඛ්‍යාව සටහන් වුණු අතර 5,961ක් ලෙස දැක්විණි.

මේ වනවිට දෛනික ආසාදිතයින් සංඛ්‍යාව මෙලෙස පහළ බැස ඇත්තේ ඉකුත් අගෝස්තු 20 වනදා සිට පැනවූ නිරෝධායන ඇඳිරිනීතියේ ප්‍රතිඵලයක් ලෙස බව පැහැදිලිය.

මේ අතර, වයස අවුරුදු 12ත් 19ත් අතර රෝගාබාධ සහිත දරුවන්ගේ එන්නත්කරණ වැඩසටහන අදත් බස්නාහිර පළාතේ රෝහල්වලදී සහ අනුරාධපුර හා කුරුණෑගල ශික්ෂණ රෝහල්වලදී සිදුකෙරුණි.

ළමා රෝග විශේෂඥ වෛද්‍යවරුන්ගේ විද්‍යායතනය සඳහන් කළේ එළඹෙන ඔක්තෝබර් 01 වනදා සිට දිවයිනේ සෙසු පළාත්වලද මෙම කාණ්ඩයට අයත් දරුවන්ගේ එන්නත්කරණය ආරම්භකරන බවය.


රත්මලානේ 31 හැවිරිදි වෛද්‍යවරිය කොරෝනාවෙන් මරුට

රත්මලාන ප්‍රදේශයේ පදිංචිව සිටි  රත්නපුර රෝහලේ සේවය කරන 31 හැවිරිදි තරින්දි දිල්ෂිකා විතානගේ නමැති වෛද්‍යවරියක කොවිඩ් නිව්මෝනියා රෝගී තත්ත්වය හේතුවෙන් පෙරේදා (22) මියගිය බව වාර්තාවේ.

තමන්ට කොරෝනා ආසාදනයවී ඇති බවට කොළඹ පුද්ගලික රෝහලකින් පි.සි.ආර් පරික්ෂණයක් උපයෝගයෙන් දැනගත් පසු ගල්කිස්ස ප්‍රදේශයේ හෝටලයක පිහිටි කොවිඩ් වෛද්‍ය ප්‍රතිකාර මධ්‍යස්ථානයක ඇය ප්‍රතිකාර ලබමින් සිටි අතර රෝග තත්වය උත්සන්න වීම නිසා කොළඹ පුද්ගලික රෝහලකට ඇතුළත් කර ඇත.

අනතුරුව ඇයට ස්වසන අපහසුතා දිගින් දිගටම පැනනැගුණ අතර ඒ වනවිට පුද්ගලික රෝහල්වල එක්මෝ යන්ත්‍ර වෙනත් රෝගී පුද්ගලයින් වෙත සේවය ලබාදෙමින් සිටි නිසා ගාල්ල කරාපිටිය රජයේ රෝහල වෙත ඇය යොමු කර එහි එක්මෝ යන්ත්‍ර ආධාරයෙන් ප්‍රතිකාර ලබමින් තබා ඇත.

නමුත් පසුව ඇය අවාසනාවන්ත ලෙස කොරෝනා සංකුලතා හේතුවෙන් බහුවිද අවයව අකර්මනය විමෙන් ඉකුත් 22 වැනි දින පස්වරුවේ දි මියගිය බව වෛද්‍ය වාර්තාවේ දැක්වේ.

එන්තේ මාත්‍රා දෙකම අරන් තිබෙන්නෙ තරුණයින්ගෙන් 12.6% යි

වයස අවුරුදු 20 – 30 අතර රටේ තරුණ ජනගහනයෙන් එන්නත් මාත්‍රා දෙකම ලබා ගෙන ඇති ප්‍රතිශතය සියයට 12.6ක් බැවින් වහාම එන්නත ලබා ගැනීමට කටයුතු කරන්නැයි සෞඛ්‍ය ප්‍රවර්ධන කාර්යාංශයේ අධ්‍යක්ෂ විශේෂඥ වෛද්‍ය රංජිත් බටුවන්තුඩාව ඉල්ලා සිටියි.

මෙහි පළමු මාත්‍රාව ලබා ගත් තරුණ පිරිස සියයට 41ක් බව පෙන්වා දෙන අධ්‍යක්ෂවරයා , සියලුම දිස්ත්‍රික්කයන් වෙත එන්නත් නිකුත් කර අවසන් බැවින් දිස්ත්‍රික්කය තුළ අදාල එන්නත්කරණ මධ්‍යස්ථානය වෙත ගොස් එන්නත් මාත්‍රාව ලබා ගන්නැයි අධ්‍යක්ෂවරයා තරුණ කණ්ඩායමට දැනුම් දී සිටියි.

තම දිස්ත්‍රික්කයේ එන්නත් මධ්‍යස්ථානය වෙත නව එන්නත් පැමිණෙනු ඇතැයි යන්න බලා සිටීමෙන් කිසිදු පලක් නොවන බවද දිවයින පුරා එන්නත් මධ්‍යස්ථාන 420ක් පිහිටුවා තිබෙන බැවින් වහාම තම ප්‍රදේශයේ අදාළ එන්නත් මධ්‍යස්ථානය වෙත ගොස් එන්නත් ලබා ගන්නා ලෙස ද ඔහු පවසා සිටියි.

මීට අමතරව රටේ මුළු ජනගහනයෙන් සියයට 64ක් එක් එන්නත් මාත්‍රාවක් ලබා ගෙන ඇති අතර එන්නත් මාත්‍රා දෙකම ලබා ගත් ප්‍රතිශතය සියයට 51.6ක් යැයිද වෛද්‍ය බටුවන්තුඩාව සඳහන් කරයි.

රට තුළ නව කොවිඩ් ප්‍රභේද ඇති විය හැක්කේ මෙහෙමයි!

කොවිඩ් එන්නත් මාත්‍රාදෙකම ලබා ගත්තද විවිධ සංකූලතාවන් පවතින පුද්ගලයින්ට නැවත ඩෙල්ටා වයිරසය ආසාදනය වී වැඩි කාලයක් පැවතුණහොත් නව ප්‍රභේදයන් බිහිවිය හැකි යැයි කොළඹ වෛද්‍ය පර්යේෂණායතනයේ වෛරස රෝග පිලිබද විශේෂඥ වෛද්‍ය නදීක ජනකගේ  සඳහන් කරයි.

ඩෙල්ටා ප්‍ර‌භේදයේ විකෘති ප්‍රභේදයන් ඇති වන්නේද  යන්න පිලිබඳ මේ වන විට පරික්ෂණ ආරම්භ කර ඇති බවත්  මේ සඳහා එන්නත් මාත්‍රා දෙකම ලබා ගත් පුද්ගලයින්ට ඩෙල්ටා ප්‍රභේදය ආසාදනය වී අසාධ්‍ය තත්ත්වයට පත්වන පුද්ගලයින්ගේ නියැදියන්ගෙන් ජාන පරික්ෂාවන් සිදු කිරීමට කටයුතු යොදා ඇති බවත් හෙතෙම පැවසීය.

මේ තත්වය තුළ සංකූලතාවන් පවතින පුද්ගලයින් කොවිඩ් එන්නත් මාත්‍රාදෙකම ලබා ගත්තද ඔවුන්ට තුන්වන මාත්‍රාවක් ලබා දිය යුතු බවට සෞඛ්‍ය අංශයන් හි අවධානය යොමු ව ඇතැයි ද මේ වන විට ඒ සම්බන්ධයෙන් කටයුතු කරමින් සිටින්නේ යැයි ද ඔහු කීවේය.

අලුත් අවුරුදු පොකුරට වඩා ලොකු පොකුරක් නුදුරේ!

රජයේ වෛද්‍ය නිළධාරීන්ගේ සංසදය විසින් නිකුත් කරන ලද මාද්‍ය නිවේදනයක් මෙහි දැක්වෙයි.

දැනට පවතින නිරෝධායන අඳිරි නීතිය නාමිකව පමණක් ක්‍රියාත්මක වන බව බිම් මට්ටමේ තත්වය විග්‍රහ කිරීමේ දී පැහැදිලි වේ. මෙම නිරෝධායන ඇඳිරි නීතිය ප්‍රායෝගික ව රට තුල ක්‍රියාත්මක කිරීමට වගකිව යුතු බලධාරීන් උනන්දු වූයේ නැත. ලබන ඔක්තෝ බර් මස 01 වනදා තෙක් නිරෝධායන ඇඳිරි නීතිය දීර්ඝ කලද, මේ වනවිට බිම් මට්ටමේ සැබෑ ලෙසම සංචරණ සීමා ක්‍රියාත්මක වේදැයි ප්‍රශ්නයක් පැන නගී. අප අත්විඳින තත්වය තුල පොදු ප්‍රවාහන සේවා හැර අනෙක් සියලු ප්‍රවාහන සේවා නිදහස්ව ක්‍රියාත්මක වන අතර ජනතාවගේ සංචරණය ද බොහෝ දුරට නිදහසේ සිදුවේ. එසේම මත්පැන් ඇතුළු අත්‍යශ්‍ය නොවන භාණ්ඩ හා සේවා සැපයීම ද බාධාවකින් තොරව සිදුවේ. මෙම තත්වය තුල ඉදිරියේදී රට සම්පූර්ණයෙන් විවෘත කිරීම සිදුකළ හොත් නුදුරේදීම නැවතත් මීට වඩා භයානක කොවිඩි රැල්ලක් ඇති විය හැකි බව රජයේ වෛද්‍ය නිළධාරින්ගේ සංසදය ලෙස අප ප්‍රකාශ කළ යුතුව ඇත.

වර්තමානයේ PCR සහ RAT පරීක්ෂණ සිදුකරන සංඛ්‍යාව සැලකිය යුතු ප්‍රමාණයකින් අඩු කර ඇත. එවැනි තත්වයක් තුල කොවිඩි ආසාදනය වන පුද්ගලයන්ගේ සංඛ්‍යාව අඩුවීම ද බලාපොරොත්තු විය හැක. එම නිසා මීට පෙර සිදුවූ පරිදි, කොවිඩ් වෛරස ව්‍යාප්නිය බොහෝ සෙයින් අඩුවී ඇතැයි ජනතාවට වැරදි ලෙස ඒත්තු ගැන්වේ. එවිට ජනතාව නිදහසේ සංචරණය කිරීමට පෙළඹීම තුල, පසුගිය අප්‍රේල් මාසයේ සිදුවූවා සේ ඉදිරි කාලයේදී කොවිඩි ව්‍යාප්තිය සීග්‍ර ලෙස වැඩි වීමේ අවදානමක් ඇත.

මේ දිනවල සෞඛ්‍ය අමාත්‍යංශයට අප රටේ දරුවන්ගේ කොවිඩි එන්නත්කරණය පිළිබඳව විද්වත් තාක්ෂණික කමිටු නිර්දේශ ලැබී ඇත. මෙහිදී වයස අවුරුදු 12ට අඩු දරුවන් සඳහා එන්නත්කරණය පිළිබඳ තීරණ ගැනීමට පෙර ඒ ගැන ලෝකයේ අනෙක් රටවල සිදු කරන ලද සායනික පරියේෂණ වාර්ථා ලැබෙන තෙක් සිටීම වැදගත් වේ.

දරුවන්ගේ කොවීඩි එන්නත්කරණය පිළිබඳව දැනට ලෝකයේ ඇති නවීන දැනුම සහ අත්දැකීම් ගැන විවෘත මනසකින් විමසා බලා කටයුතු කිරීම ඉතා වැදගත් බව රජයේ වෛද්‍ය නිළධාරීන්ගේ සංසදය ලෙස ප්‍රකාශ කල යුතුය.

එමෙන්ම දරුවන් එන්නන් කිරීමේදී සෞඛ්‍ය අමාත්‍යාoශය විසින් විධිමත් හා පාරදෘශ්‍ය එන්නත්කරණ වැඩසටහනක් සැලසුම් කල යුතුය. එය ක්‍රමවත්ව ක්‍රියාත්මක කිරීමේ ප්‍රධාන වගකීම සෞඛ්‍ය අමාත්‍යංශය විසින් දැරිය යුතු බව රජයේ වෛද්‍ය නිළධාරීන්ගේ සංසදය ලෙස අපි තරයේ විශ්වාශ කරමු.

දැනට සෞඛ්‍ය සේවයේ කොව්ඩි රෝග සත්කාර කරන රෝහල් වල වෛද්‍යවරුන්ට සහ රෝග නිවාරණ අංශයේ කොවිඩ් 19 රෝග මර්ධන කාර්යයන්හි සේවයේ නියුතු වෛද්‍යවරුන්ට ලබා දෙන විශේෂ අතිකාල දීමනාවන්ට අදාල චක්‍රලේඛණය අගෝස්තු මාසයේ දක්වා පමණක් වලංගු වේ. නමුත් අප තවමත් කොවිඩි වසංගතයට දැඩි ලෙස මුහුණ දී සිටින සිටින රටක් ලෙස තවදුරටත් වෛද්‍යවරුන් සියලු අවදානම් තත්ව මැද කොවිඩ් රෝගී සත්කාරය සිදුකරමින් සිටියි. එම නිසා වර්තමාන තත්වය සලකා අදාල විශේෂ චක්‍රලේඛණය තවදුරටත් දීර්ඝ කිරීම කාලෝචිත බව අපගේ අදහසයි. එමඟින් එම වැඩිකල අතිකාල දීමනා ඉදිරියටත් ලබා දීම කල යුතු බව රජයේ වෛද්‍ය නිළධාරීන්ගේ සංසදය ලෙස අවධාරණයෙන් ප්‍රකාශ කළ යුතු ය.

වෛද්‍ය කමල් ඒ. පෙරේරා
ලේකම්
රජයේ වෛද්‍ය නිළධාරීන්ගේ සංසදය

බඩේ අමාරුවෙන් මිය ගිය 15 හැවිරිදි මල් කැකුළට පොසිටිව්

උදරාබාධයක් හේතුවෙන් රෝහල් ගත කළ 15 වියැති දැරියක් පැය කීපයකට පසු මිය ගොස් ඇති අතර පසුව කළ ඇන්ටිජන් පරීක්ෂාවේදී ඇය කොවිඩ් ආසාදිතයකු බව තහවුරු වී ඇත.

මෙසේ මිය ගොස් ඇත්තේ හල්වතුර නිවාස යෝජනා ක්‍රමයේ පදිංචිව සිටි සඳමිණි නෙත්සරණී නමැති දැරියකි. 
 
ඇය අම්බලන්ගොඩ ධර්මාශෝක විද්‍යාලයේ සිසුවියකි.
උදරයේ ඇති වූ අපහසුතාවක් නිසා පෙරේදා (22) දහවල් 12 ට පමණ දැරිය බලපිටිය මූලික රෝහලට ඇතුළත් කර ඇති අතර ප්‍රතිකාර ලබමින් සිටියදී මිය ගොස් ඇත.

සාමාන්‍ය පෙළ ප්‍රතිපල නිකුත් වෙයි!

2020 අපොස සාමාන්‍ය පෙළ විභාගයේ ප්‍රතිඵල නිකුත් කිරීමට විභාග දෙපාර්තමේන්තුව කටයූතු කොට ඇත.

www.doenets.lk වෙබ් අඩවියෙන් ප්‍රතිපල බලාගැනීමට හැකිය.

ජංගම දුරකථනයෙන් දැන්ම අයින් කරන්න ඕන ඇප් මෙන්න

ජංගම දුරකථන අධි තාක්ෂණික උපකරණයක් වුනත් එය ඔබගේ කාලය, ඩේටා, මුදල් සහ බැටරිය නාස්ති කරනවා. මේ නිසා අපි ඔබගේ කායික මානසික සෞඛ්‍යයට අහිතකර වෙන, ඔබගේ පෞද්ගලිකත්වයට හානි වන ජංගම දුරකථන ඇප් පෙළක් ඉදිරිපත් කරනවා. මේ දේවල් දැනටම ඔබේ ජංගම දුරකතනයේ තිබෙනවා නම් වහාම ඩිලීට් කිරීමයි සුදුසු වන්නේ.

ඔබ ප්ලේස්ටෝර් හා ඇප් ස්ටෝර් හරහා යෙදවුමක්/ඇප් එකක් බාගත කරනවා නම්, එහි නිර්මාණකරුවන්, එහෙමත් නැත්නම් ඇප් ඩිවලොපර්ස් (App developers) ගැන අවධානය යොමු කළ යුතුයි.
ඇප් ඩිවලොපර් ආයතනය විශ්වාසවන්ත, පිළිගත් එකක් නොවේ නම් එම ඇප් එකද විශ්වාස කළ නොහැකි එකක්. ඒ වගේම ඔබ ඩවුන්ලෝඩ් කරගැනීමට සූදානම් වන ඇප් එක ගූගල් හි සර්ච් කර එහි ගුණාත්මකභාවය පිළිබඳ සඳහන් වන යම්කිසි ප්‍රවෘත්ති කෙදිනක හෝ පළ වී ඇද්දැයි සොයා බලන්න. ඔබ ඩවුන්ලෝඩ් කරගැනීමට සූදානම් වන ඇප් එකට සමාන වෙනත් ඇප් සමඟ සසඳා බලන්න. පොදුවේ එවන් ඇප් එකකට වැය වෙන ඩේටා ප්‍රමාණය ගැන අදහසක් ලබාගන්න.

ඔබ ඩවුන්ලෝඩ් කරගැනීමට සූදානම් වන ඇප් ඒක, ඒ හා සමාන වෙනත් ඇප් එකකට සාපේක්ෂව විශාල ඩේටා ප්‍රමාණයක් වැය වෙන එකක් නම් එය ඩවුන්ලෝඩ් කරගැනීමට සුදුසු නැහැ. නිතරම සංසන්දනය කර හොඳම එක තෝරා ගැනීමට හුරුවන්න.

ඔබගේ සාමාන්‍ය දැනීම භාවිතා කර හොඳ ඇප් තෝරාගෙන දුරකථනයේ ඇති නරක අනාරක්ෂිත ඇප් ඩිලිට් කර දමන්න. පහත දැක්වෙන්නේ ඒවායින් කිහිපයක්.

ගෑස් බඩී (GasBuddy) අවාසනාවකට මෙන් ඔබට වඩාත්ම ප්‍රයෝජනවත් හා වඩා ප්‍රායෝගික වන ඇතැම් ඇප් ඔබගේ ඩේටා සම්බන්ධව ඇති ලොකුම තර්ජනයත් වෙනවා. උදාහරණයක් ලෙස ගෑස් බඩී ජංගම දුරකථන ඇප් එක සිතන්න. එයින් කෙරෙන්නේ ඔබගේ කාලය සහ මුදල් ඉතුරු කරවීමට ඔබ අසල ඇති ඉන්ධන හල් වලට ඇති දුර, ඒවායේ මිල ගණන් වල වෙනස්කම් සසඳා ඔබට දැන්වීමයි. නමුත් මේ සඳහා එම ඇප් එකේ ප්‍රාදේශීය තොරතුරු (Location data) බොහොමයක් එක්රැස් කරන නිසා විශාල ඩේටා ප්‍රමාණයක් වැය වෙනවා.

මෙම ආයතනය විසින් ඔවුන්ගේ පෞද්ගලිකත්ව ප්‍රතිපත්ති(Privacy policy) මෑතකදී වෙනස්කමකට භාජනය කලා. ඒ අනුව ඔබ ජංගම දුරකථනයක් හරහා ගෑස් බඩී සේවාවට පිවිසෙනවා නම් සහ ඔබේ තොරතුරු රැස් කිරීමට එයට අවසර දී ඇත්නම්, එය මගින් ඔබේ රිය පැදවීමේ දුර, වේගය, ත්වරණය, තිරිංග පුරුදු හා ඔබේ රිය පැදවීමේ පුරුදු පිළිබඳ තොරතුරු ස්වයංක්‍රීයව රැස් කරනවා. ඒවගේම ඔබ අවට ඇති ඉන්ධනහල් පිළිබඳ තොරතුරු ලබාදීම සඳහා ඔවුන් ඔබගේ නිවස, රැකියාව කරන ස්ථානය හා නිතර යන එන ස්ථාන පිළිබඳ දත්තත් ලබා ගන්නවා. කොටින්ම කියනවානම් ඔබගේ පෞද්ගලික බොහෝ තොරතුරු රැස් කරන අතරම ස්ථානීය තොරතුරු රැස් කිරීමට බොහෝ ඩේටා ප්‍රමාණයක් වැය වනවා. ඒ නිසා ඔබ මෙවන් ඇප් එකක් ඔබගේ ජංගම දුරකථනයේ තබා ගැනීම ගැන දෙවරක් සිතිය යුතුයි.

ටික් ටොක් (TikTok) ටික් ටොක් කියන්නේ මෑත කාලයේදී තරුණ තරුණියන් අතර බොහෝ ලෙස ජනප්‍රියත්වයට පත්වුනු සමාජ මාධ්‍ය ඇප් එකක්. එය මෙම ලැයිස්තුවට ඇතුලත් කිරීමට හේතුව කුමක්ද? මේ යෙදවුම පරිශීලක දත්ත (user data) ටොන් ගණනක් රැස් කරනවා. එය හානිකර බවට දැනට සනාථ වී නැතත්, මෙය භාවිතා කරන පුද්ගලයන්, සමාජ මාධ්‍ය යෙදුමකට ඔබේ දෘඩාංග හැඳුනුම්පත් (Hardware ID), මතක භාවිතය(Memory usage), ඔබගේ දුරකථනයේ ඇති වෙනත් ඇප්, ඔබගේ IP ලිපිනය හෝ ඔබේ මෑතකදී භාවිතා කළ වයිෆයි ප්‍රවේශ ස්ථාන ගැන තොරතුරු ලබාගන්නේ කුමන හේතුවකට දැයි සැලකිලිමත් විය යුතුයි. ඒ වගේම මෙය තරුණ තරුණියන් බොහෝ සේ කාලය කා දමන බවට බොහෝ රටවල් වලින් පිළිගෙන ඇති අතර බොහෝ රටවල් වලින් තහනමට ලක් කළ හෝ තහනමට ලක් කිරීමට බලාපොරොත්තු වන ඇප් එකක් බැවින් ඔබත් මෙය භාවිතා කිරීම ගැන දෙවරක් සිතිය යුතුයි.

ඔබගේ ෆේස්බුක් පිවිසුම් දත්ත සොරකම් කරන යෙදවුම්. ඔබේ ෆේස්බුක් පිවිසුම් අක්තපත්‍ර (Log in credentials) සොරකම් කරන මෘදුකාංග භාවිතා කරන යෙදුම් 25 ක් පැරිස් සයිබර් ආරක්ෂණ සමාගමක් වන “එවිනා” විසින් හඳුනාගෙන තිබෙනවා. පුදුමයට කරුණ තමයි, ඒවායින් බොහොමයක් වෝල්පේපර් හෝ ෆ්ලෑෂ් ලයිට් ආශ්‍රිත යෙදවුම් වීම.

“මෙම මෘදුකාංගය මගින් ඔබගේ වඩාත්ම වටිනා ඩිජිටල් දේපල වෙළඳාම් (Digital real estate) වලින් එකක අක්තපත්‍ර ලබා ගැනීමෙන් ඔබේ මාර්ගගත (online) හා නොබැඳි(offline) ජීවිතය ඵලදායී ලෙස විනාශ කළ හැකියි” යනුවෙන් එවිනා සමාගම සිය වෙබ් අඩවියේ පළ කළ ලිපියක සඳහන් වෙනවා. ඔවුන් විසින් ගූගල් හා එක්ව මෙම යෙදවුම් ප්ලේස්ටෝර් එකෙන් ඉවත් කිරීමට දැනට කටයුතු ආරම්භ කර ඇති අතර මේ වනවිටත් ඔබගේ ජංගම දුරකතනයේ පහත සඳහන් ඇප් වලින් එකක් තිබෙනවා නම් ඒවා වහාම ඉවත් කරන්න.
Super Wallpapers Flashlight
Padenatef
Wallpaper Level
Contour Level Wallpaper
iPlayer & iWallpaper
Video Maker
Color Wallpapers
Pedometer
Powerful Flashlight
Super Bright Flashlight
Super Flashlight
Solitaire Game
Accurate Scanning of QR Code
Classic Card Game
Junk File Cleaning
Synthetic Z
File Manager
Composite Z
Screenshot Caputre
Daily Horoscope Wallpapers
Wuxia Reader
Plus Weather
Anime Live Wallpaper
iHealth Step Counter
Com.tqyapp.fiction
ඇන්ග්‍රි බර්ඩ්ස් (Angry Birds) රොවියෝ එන්ටර්ටේන්මන්ට් විසින් 2009 දී නිකුත් කරන ලද angry birds නම් ක්‍රීඩාව එක රැයින් ජනප්‍රිය වූ ක්‍රීඩාවක්. එසේ නමුත් මෙම ක්‍රීඩාවන් විසින් පරිශීලකයන්ගේ දත්ත සොරා ගන්නා බව සුප්‍රසිද්ධ එඩ්වඩ් ස්නෝඩන් විසින් මුලින් ප්‍රකාශ කළත් කිසිවෙකු ඔහුව තැකුවේ නැහැ. නමුත් පසුකාලීනව ඇමරිකානු ජාතික ආරක්ෂණ ඒජන්සිය සහ රාජ්‍ය සන්නිවේදන මූලස්ථානය විසින් ඇත්තෙන්ම මෙම ක්‍රීඩාව ඔවුන්ගේ පරිශීලකයන්ගේ දුරකථන අංක, ආ ගිය දුරකථන ඇමතුම් පිළිබඳ තොරතුරු, ස්ථානීය හා දේශපාලනික තොරතුරු ඇතුළු වෙනත් බොහෝ පෞද්ගලික දත්තයන් සොරා ගන්නා බවට හෙළි කර ගත්තා. කෙසේ නමුත් මේ වන විට නිර්මාණකරුවන් විසින් ක්‍රීඩාව නැවතත් පරිශීලකයන්ට ආරක්ෂාකාරීව භාවිතා කළ හැකි ආකාරයට නැවත සකසා ඇති බව ප්‍රකාශ කළත්, නරක ඌරන්ට කැටපෝලයක දැමු කුරුල්ලන්ගෙන් විදින ක්‍රීඩාවෙන් ඔබ දැනට ඈත් වී සිටීමයි වඩාත් සුදුසු වන්නේ.

අයි.පී වැනිෂ් වී.පී.එන් (IPVanish VPN) VPN, හෝ අතථ්‍ය පෞද්ගලික ජාල(Virtual Private Network), පසුගිය වසර 10 තුළ ජනප්‍රියත්වයට පත් වූ නමුත් ඒවා 1996 සිටම තිබූ දෙයක්. ඒවායින් කෙරෙන්නේ ඔබේ අන්තර්ජාල ක්‍රියාකාරකම් වසන් කිරීම සහ පොදු සම්බන්ධතාවයකින්(Public connection) පුද්ගලික අන්තර්ජාල ජාලයක් නිර්මාණය කිරීමෙන් මාර්ගගත පෞද්ගලිකත්වයක්‌ සහ නිර්නාමිකභාවයක්‌ ඔබ‍ට ලබා දීමයි. VPN මගින් ඔබේ අන්තර්ජාල ප්‍රොටෝකෝල ලිපිනය (IP adress) වසන් කරනවා. එමඟින් ඔබව අනුගමනය කර සොයා ගැනීමට නොහැකි වෙනවා. ශ්‍රී ලංකාවේ සිට අන්තර්ජාලයට සම්බන්ධ වුනත්, ඔබ ඇමරිකාවේ සිට සම්බන්ධ වනවාක් මෙන් පෙනෙන්නට සැලැස්වීමට VPN මගින් ඔබට හැකියාවක් තිබෙනවා.

සාමාන්‍යයෙන් ඕනෑම VPN සේවාවක් එතරම් ආරක්ෂාකාරී වන්නේ නැහැ. කෙසේ නමුත් විවිධ යූ ටියුබ් චැනල සහ වෙනත් පුද්ගලයන් විසින් මුදල් ගෙවා සේවාව ලබාගත යුතු මෙම IPVanish VPN වෙත සම්බන්ධ වීමට නිතර පෙළඹවීම් ඇති කරනවා. නමුත් 2018දී තාක්ෂණික විශ්ලේෂණ ව්ලොග් එකක් වන ලී TV විසින් මෙම ඇප් එක තුළින් පරිශීලකයන්ගේ දත්ත සොරාගෙන ඇමෙරිකානු බලධාරින්ට සපයන බව හෙළි කළා. ඉන්පසු මෙම නිර්මාණකරුවන් විසින් එහි සේවාවන් අත් හිටවූ අතර පරිශීලකයන් ඔවුන්ගේ සබ්ස්ක්රිප්ෂන් අවලංගු කර ඇප් එක ඩිලීට් කිරීමට පෙළඹුණා. ඔබත් මේ පුවත නොදැන තවමත් ඔබේ ජංගම දුරකථනයේ මෙම යෙදවූම තබාගෙන සිටිනවා නම් එය ඉවත් කිරීමට වහාම ක්‍රියා කරන්න.

ෆේස්බුක් (Facebook) ඉන්ස්ටග්‍රෑම් හා ට්විටර් වැනි සමාජ ජාලා මාධ්‍ය බොහෝමයක් ආකාරයෙන් ෆේස්බුක්ද නිරන්තරයෙන් එහි පරිශීලකයන්ගේ කාලය හා ඩේටා කා දමන අතර එයට ඇබ්බැහි වීම තුලින් විශාදය හා ආතතිය වැනි තත්ත්වයන්ට මිනිසුන් ගොදුරු වීම පිළිබඳව ප්‍රසිද්ධියක්ද උසුලනවා.ඊට අමතරව එහි සයිබර් ආරක්ෂාව උල්ලංඝනය කිරීම් සම්බන්ධයෙන්ද නිතර සිදුවීම් වාර්තා වෙනවා. පසුගිය වසරේ පමණක් ෆේස්බුක් ගිණුම් මිලියන 87ක දත්ත අනිසි භාවිතා කිරීම සිදු වී තිබෙනවා.

ඔවුන් විසින් මෙම දත්ත උල්ලංඝන කිරීම දිගින් දිගටම සිදුකරන අතර වෙළඳ දැන්වීම් සඳහා ඔබේ ප්‍රතිරූපයක් සැකසීමට ඔබගේ ගිණුමෙන් දත්ත සොරාගැනීම සිදු කරනවා. ඔවුන්ට ඔබගේ පණිවිඩ කියවිය හැකි අතර ඡායාරූප වීඩියෝ ඇතුළු සියලුම පෞද්ගලික දත්ත සඳහා ඇතුළු වීමේ හැකියාවද තිබෙනවා.මීට අමතරව මෙම ඇප් එක විසින් ජංගම දුරකථනයේ ඩේටා සහ බැටරිය ඉතා ඉක්මනින් අවසන් කිරීමටද සමත් වෙනවා. මේ නිසා භාවිතා නොකරන සෑම අවස්ථාවකදීම මෙම ඇප් එක වසා තැබීමටත් දුරකථනයේ හෝම් ස්ක්‍රීන් එක වෙත ෆේස්බුක් ඇප් එකේ ෂෝර්ට්කට් එකක් දමාගෙන තිබීමටත් සැලකිලිමත් වන්න.

නවතම ආකාරයේ අනිෂ්ට මෘදුකාංග(Malware) සහිත ඇන්ඩ්‍රොයිඩ් යෙදවුම්. ඔබ “ජෝකර් මැල්වෙයාර්(Joker malware)” නම් අනිෂ්ට මෘදුකාංගය ගැන අසා තිබෙනවාද? පසුගිය මාසය තුළදී පමණක් ඇන්ඩ්‍රොයිඩ් ඇප් බොහෝ ප්‍රමාණයක් මෙම අනිෂ්ට මෘදුකාංගයේ බලපෑමට ලක් වුණා. මෙමගින් ඔබගේ අවසරයකින් තොරව ඔබව subscription සේවාවන් වෙත ඇතුලත් කිරීම සිදු කෙරෙනවා. මේ නිසා ඔබ නිතරම ඔබගේ බැංකු ගිණුමේ තොරතුරු පරික්ෂා නොකරනවා නම් ඔබ නොදැනුවත්ව දහස් ගණනින් මුදල් වැය වීම සිදුවෙනවා.

කෙසේ නමුත් මෙම වෛරසයේ බලපෑමට ලක්‌ වුනු ඩවුන්ලෝඩ් කිරීම් ලක්ෂ 4කට වැඩි ඇප් 24ක්‌ පමණ හමුවී තිබෙනවා. මෙම වෛරසය මගින් එයට ගොදුරු වූවන්ගේ sms පණිවිඩ, දුරකථන අංක සහ උපාංගයේ තොරතුරුද සොරා ගැනීම සිදු කරනවා. බොහෝ විට මෙය චීනයේ නිර්මාණය වූ වෛරසයක් යැයි විශ්වාස කෙරෙනවා. කෙසේ නමුත් අප පහතින් සඳහන් කරන ලයිස්තුවේ ඇති යෙදවූමක් ඔබගේ ජංගම දුරකථනයෙහි තිබෙනවා නම් වහාම එය ඉවත් කිරීම පමණක් නොව ඔබගේ බැංකු ගිණුමේ ශේෂය පරීක්ෂා කිරීමත් වටිනවා.
Advocate Wallpaper
Age Face
Altar Message
Antivirus Security — Security ScanBeach
CameraBoard picture editing
Certain Wallpaper
Climate SMS
Collate Face Scanner
Cute Camera
Dazzle Wallpaper
Declare Message
Display Camera
Great VPN
Humour Camera
Ignite Clean
Leaf Face Scanner
Mini Camera
Print Plan Scan
Rapid Face Scanner
Reward Clean
Ruddy SMS
Soby Camera
Spark Wallpaper
 
RAM එකෙහි ධාරිතාවය වැඩි කරන බව කියන ඇප්. Random Access Memory නොහොත් RAM යනු අප මේ අවස්ථාවේදී හෝ මෑත අනාගතයේදී භාවිතා කිරීමට නියමිත දත්ත ගබඩා කර තබන ස්ථානයයි. කෙසේ නමුත් ඔබේ උපකරණයේ RAM ධාරිතාවය වැඩි කිරීමට නම් ඒ සඳහා තරමක් මිල අධික වන බාහිර උපාංගයක් මිලදී ගත යුතු වනවා. මේ නිසා බොහෝ දෙනා playstore හෝ appstore හරහා ඩවුන්ලෝඩ් කරගත හැකි RAM Booster (Memory Cleaner) සහ 4 GB RAM Memory Booster – AppLock ආදී වූ යෙදවුම් භාවිතා කරනවා. නමුත් ඒවායෙන් සැබැවින්ම සිදුවන්නේ ඔබගේ කෑෂ් මෙමරි (Cache) ඩිලීට් කර තාවකාලිකව ඉඩක් සලසා දීම පමණයි. නමුත් සෑම ජංගම දුරකතනයකම ස්වයංව එය සිදුකර ගත හැකියි. මේ නිසා සැබැවින්ම එවන් ඇප් එකක අවශ්‍යතාවයක් නැහැ. ඉතින් ඔබ එවන් ඇප් එකක් දමා ගැනීමෙන් සිදු වන්නේ වෙළඳ දැන්වීම් පුරවා ගැනීමට සහ සහ ඔබගේ දත්ත පිටතට නිරාවරණය වීම පමණයි.

කැම් ස්කෑනර් (CamScanner) CamScanner යනු නිවසේ සිට රැකියාවක් කරන අය සහ අධ්‍යාපනය ලබන පුද්ගලයන් ලඟ නිතරම ඇති යෙදවුමක්‌. මෙම යෙදවුම මගින් ඕනෑම ලියවිල්ලක ඡායාරූපයක් pdf ලියවිල්ලක් බවට ක්ෂණිකව පරිවර්තනය කිරීම සිදු කෙරෙනවා. මෙය බොහෝ දෙනාට නිතරම අවශ්‍ය වන ඇප් එකක් වුණත් එහි පහසුව තිබෙන්නේ එමගින් වෛරස ඔබගේ ජංගම දුරකථනයට ඇතුලත් වනතුරු පමණි.

රුසියානු සයිබර් ආරක්ෂණ ආයතනයක් වන kasperskey විසින් මෙම යෙදවුමේ විවිධ ප්‍රභේද වල නොයෙක් ආකාරයේ වයිරස ඇති බව හඳුනාගෙන තිබෙනවා. ඒවා මගින් අනවශ්‍ය ලෙස වෙළඳ දැන්වීම් පෙන්වීම සහ ගෙවීම් සිදුකරන සබ්ස්ක්රිප්ෂන් වෙත ඔබව බඳවා ගැනීම සිදු කරනවා. කෙසේ නමුත් මෙම ඇප් එක නැවතත් ප්ලේස්ටෝර් හි තිබෙන නිසා එහි ගැටලුව මේ වන විට විසඳා ඇති බව පැවසුනත් කලින් වතාවේ සිදු වූ විශ්වාස කඩ කිරීම නිසා පරිශීලකයන් එය නැවත බාගත කිරීමට මැළි බවක් දක්වනවා. මේ නිසා වඩාත් හොඳ ආදේශකයන් ලෙස Microsoft office lense සහ Adobe scan නිර්දේශ කළ හැකියි.

යූ වර්ෂන් බයිබල් (YouVersion Bible) ඉතාම ප්‍රසිද්ධ ඇප් එකක් වන මෙය වසරක් තුළදී මිලියන 300 ඉක්මවූ බාගත කිරීම් සංඛ්‍යාවක් ලබා තිබෙනවා. අතිශයින් අංගසම්පූර්ණ වූ බයිබලයක්‌ සහිත නිසා මෙය කිසිවෙකුගේ සැකයට බඳුන් වුණේ නැහැ. කෙසේ නමුත් මෙම ඇප් එක විසින් ඔබගේ wifi සම්බන්ධතාවයට එයට අවශ්‍ය වූ විට සම්බන්ධ වීමටත් ඉන් මිදීමටත් හැකි අතර, ඔබගේ සියලු සම්බන්ධතාවයන් කියවීමටත්, ඔබ යන එන ස්ථාන සොයා බැලීමටත්, ඔබගේ ජංගම දුරකතනයේ දත්ත වෙනස් කිරීමටත් හැකියාව තිබෙන අතර ඉතා විශාල ලෙස වෙළඳ දැන්වීම්ද සහිතයි.

කෙසේ නමුත් ලාභ නොලබන නිර්මාණකරුවකු වන මෙම යෙදවුමේ නිර්මාණකරුවන් පවසන්නේ පරිශීලකයාට වඩාත් හොඳ අත්දැකීමක් ලබාදීම පිණිස මෙසේ ඔවුන්ගේ දත්ත ලබා ගන්නවා බවත්, ඔවුන් කිසිවිටෙක තම පරිශීලකයින්ගේ දත්ත කිසිවකුට විකුනන්නෙ නැති බවත්ය. ඒ කෙසේ වුවත් එය විශ්වාස කරනවට වඩා ඔබේ දත්ත මෙතරම් ප්‍රමාණයක් ලබාගැනීමට හැකියාවක් තිබෙන යෙදවුමක්‌ ලඟ තබාගෙන නොසිටීම වඩාත් සුදුසු බවයි අපගේ අදහස.

රැන්ඩොනෝටිකා. (Randonautica) අභියෝගාත්මක චාරිකාවන්හි නිරත වීමට ඕනෑම කෙනෙක් කැමතියි. ඒ සඳහා හොඳම ඇප් එකක් වන්නේ රැන්ඩොනෝටිකා ඇප් එකයි. එමගින් ඔබ දැන් සිටින ස්ථානයේ දත්ත ලබා ගැනීමෙන් පසු ඔබ බලාපොරොත්තු වන්නේ කුමන ආකාරයේ අභියෝගයක් දැයි ඔබ විසින් ඇතුළත් කළ යුතු වෙනවා. ඉන්පසු එම යෙදවුම මගින් ඔබ ආසන්න ප්‍රදේශවල ඇති විවිධ ස්ථානයන්ට යන මාර්ග සහ තොරතුරු ඔබට ලබා දෙනවා. කොටින්ම කියනවා නම් ඔබගේ කැමැත්තට අනුව ඔබ සඳහා අභියෝගාත්මක චාරිකාවන් සොයා දීමයි මෙම යෙදවුම මගින් සිදු කරන්නේ.

කෙසේ නමුත් පෞද්ගලිකත්වයට හානි කිරිම පිළිබඳ කිසිදු තොරතුරක් මෙම යෙදවුමෙන් වාර්තා නොවුනත් එහි ඇති අවදානම වන්නේ ඔබ කිසිදා නොගිය ස්ථාන පවා මෙම යෙදවුමෙන් පෙන්වීමයි. මේ නිසා ඔබ නොදන්නා, අප්‍රසිද්ධ ස්ථාන වලට යාම, රාත්‍රි කාලයේ ගමන් කිරීම, පෞද්ගලික ඉඩම් වලට ඇතුළු වීම සහ එවිට මුහුණ දීමට සිදුවන භයානක හෝ අවදානම් සහගත තත්වයන් ගැන නිතර සැලකිල්ලෙන් පසුවීම ඔබගේ වගකීම බව සිහි තබා ගන්න