කොටියා මැරූ පිරිසෙන් දෙදෙනෙක් කොටු වෙයි

කිලිනොච්චියේදී කොටියෙකු ඝාතනය කිරීමේ සිද්ධිය සම්බන්ධයෙන් පුද්ගලයින් දෙදෙනෙකු පොලිසිය විසින් අත්අඩංගුවට ගෙන තිබෙනවා.

කිලිනොච්චිය අම්බාල්කුලම් ප‍්‍රදේශයේ දී කොටියෙකු මරා දැමූ පුද්ගලයින් අත්අඩංගුවට ගැනීම සඳහා පොලිස් කණ්ඩායම් 3ක් පත්කර තිබෙනවා. වීඩියෝ දර්ශනද නිරීක්ෂණයක කරමින් සැකකරුවන් අත්අඩංගුවට ගන්නා ලෙසයි කිලිනොච්චි අධිකරණය පොලීසියට ඉකුත් 22 වැනිදා නියෝග කළේ.
සැකකරුවන් කොටියාට මුගුරුවලින් පහරදී ඝාතනය කරන අයුරු දැක්වෙන ඡායාරූප කිලිනොච්චි අධිකරණය මගින් පොලීසිය වෙත භාර දී තිබෙනවා. කොටියා ඝාතනය කිරීමේ සිද්ධියට කිලිනොච්චියේ ගම්මාන කිහිපයක පුද්ගලයින් සම්බන්ධ වී ඇති බවටයි අනාවරණ වී ඇත්තේ.