තාක්ෂණ පීඨයට අයත් ශිෂ්‍යාවන් සිවුදෙනකු
එළියකන්ද නේවාසිකාගාරයෙන් රැගෙන විත් නවක වදය ලබා දුන් බවට එහි උපශාලාධිපතිනිය කළ චෝදනාව මත මෙම අර්බුදය පැන නැඟී ඇත.
8 වැනි දින අලුයම 5.45ට සිසුවියන්ගේ කාමරවල දොරට තට්ටු කර ඔවුන් රැගෙන ගොස් මෙලෙස නවක වදය ලබාදුන් බවට චෝදනා කරමින් උපකුලපති ජ්‍යෙයෂ්ඨ මහාචාර්ය ගාමිණී සේනානායක මහතා සිසුන්ගේ මවුපියන් තමා ඉදිරියට ගෙන්වා තමාට සමාව ගන්නා ලෙස ලිඛිතව යොමු කළ බව ශිෂ්‍ය සංගමයේ තාක්ෂණ පීඨයේ සභාපති රුවන් නන්දසේන ශිෂ්‍යයා පවසයි.
එහෙත් තමන් වරදක් නොකර සමාව ගන්නේ කුමට දැයි පීඨාධිපතිවරයාගෙන් ලිඛිතව විමසූ බවත් පසුව එම ශිෂ්‍යාවන් නේවාසිකාගාරයෙන් ඉවත් කිරීමට කටයුතු කිරීම නිසා 9 වැනි දින උදෑසන රුහුණ විශ්වවිද්‍යාලය ඉදිරිපිටදී විරෝධතාවක් පැවැත්විය.
අනතුරුව එම විරෝධතාව හේතුකොට ගෙන රුහුණ විශ්වවිද්‍යාලයට අයත් පීඨ පහක පන්ති තහනම් කර ඇතැයි පවසමින් සිසුන් පෙරේදා (10දා) සවස රුහුණ විශ්වවිද්‍යාල පරිශ්‍රයේදී මාධ්‍ය සාකච්ඡාවක් පැවැත්විය.
එහි දී අදහස් දැක්වූ මහා ශිෂ්‍ය සංගමයේ සභාපති බන්දුල දර්ශන මහතා පැවැසුවේ පාලනාධිකාරිය වසා දැමූ පීඨ වහා විවෘත කළ යුතු බවයි.
මෙම අවස්ථාවට තාක්ෂණ පීඨයේ සිසු සිසුවියන්ද එක්විය.
