ජනාධිපතිවරයා මේ බව ප‍්‍රකාශ කළේ බස්නාහිර
පළාත් ගුරු විභාගය සමත් උපාධිධාරින් 500 දෙනෙකුට ගුරු පත්වීම් ප‍්‍රදානය කිරීම වෙනුවෙන් ඊයේ (07) කොළඹ නෙළුම් පොකුණ රංග ශාලාවේ පැවති උත්සවය අමතමිනි.
මෙහිදී අදහස් දැක්වූ ජනාධිපතිවරයා වැඩිදුරටත් ප‍්‍රකාශ කළේ උගතුන් වැඩි රටක් ඉතා වේගයෙන් දියුණුව කරා ගමන් කරන බවයි.
එබැවින් රටේ සංවර්ධනයත්, ආර්ථික සමෘද්ධියත් පිළිබඳ අරමුණු සාක්ෂාත් කර ගැනීමේ දී උගතුන්ගේ සහ බුද්ධිමතුන්ගේ දායකත්වය අත්‍යාවශ්‍ය බව ද ජනාධිපතිවරයා කියා සිටියේය.
මේ අතර ගුරු සේවයේ පවතින ගැටලු කිහිපයක් පිළිබඳව ද ජනාධිපතිවරයා මෙහිදී බලධාරින්ගේ අවධානය යොමු කළේය.
නිදහස් අධ්‍යාපනය වෙනුවෙන් අසීමිත මුදලක් වැය කරමින් ඒ වෙනුවෙන් සීමාවකින් තොරව පහසුකම් ලබාදීමට රජය කටයුතු කරද්දි එහි අභ්‍යන්තරයේ පවතින ගැටලු විසඳා ගැනීමට ද කඩිනම් වැඩපිළිවෙළක අවශ්‍යතාවය පැහැදිලි කළ ජනාධිපතිවරයා ගුරු සේවයේ ගැටලු විසඳා ගැනීම සඳහා රජය, පළාත් සභා සහ අධ්‍යාපන අමාත්‍යාංශය යන සියලු ආයතන ඒකාබද්ධ වූ පුළුල් කාර්යක්ෂම වැඩපිළිවෙළකට එළැඹිමේ අවශ්‍යතාවය ද පෙන්වා දුන්නේය.
