ශ්‍රී ලංකාවේ ජාතික පක්‌ෂියා මෙන්ම ආරක්‌ෂිත සතෙකුද වන වළිකුකුළකු මරා උගේ මස්‌ ළඟ තබාගෙන සිටි පුද්ගලයකු රුපියල් 20,000 ක දඩයකට යටත් කිරීමට රත්නපුර අතිරේක මහෙස්‌ත්‍රාත් ටීෂානි තේනබදු මහත්මිය නියෝග කළාය. විත්තිකරු පලනියන්ඩ් සත්‍යශීලන් නමැති ශ්‍රී පලාබද්දල පදිංචි අයකු වේ. ඔහු චෝදනාවට වරදකරු බව ප්‍රකාශ කළ පසු දඩය නියම කරනු ලැබිණි. විත්තිකරු සතුව තිබී වනජීවී සංරක්‌ෂණ දෙපාර්තමේන්තුව අත්අඩංගුවට ගෙන අධිකරණයට ඉදිරිපත් කර තිබූ
මරන ලද වළිකුකුළාගේ හිස සහ පිසූ මස්‌ කිලෝ ග්‍රෑම් 1 යි ග්‍රෑම් 500 ක්‌ විනාශ කරන ලෙසට මහෙස්‌ත්‍රාත්වරිය නියෝග කළාය.
ලංකාවේ ජාතික පක්‌ෂියා මැරූ පුද්ගලයාට රු 20000ක්‌ දඩ
