අමාත්‍යවරයා මේ බව සදහන් කළේ ඊයේ (19) කොළඹදී පැවැති ප්‍රවෘත්ති
සාකච්ඡාවකදියි.
යාචකයින් පිළිබඳව අවදානය යොමු කරමින් ඔවුන්ගේ සංගණනයක් සිදු කළ බවත් ඔවුන් පුනරුත්තාපනය කිරීමට ක්‍රියාකරන බවයි අමාත්‍ය වරයා පැවසුවේ.
ඒ සඳහා විශේෂයෙන්ම නාගරික පුණ්‍ය කොමසාරිස්වරයා, අමත්‍ය එස් .බී දිසානායක මහතාගේ අමාත්‍යාංශය සහ දකුණු පළාත් සභාවත් එකතු වූ යාචකයින් පුනරුත්තාපනය කිරීමේ මධ්‍යස්ථානයක් ලක්ෂ 800 ක් වැය කර සාදන බවද ඒ මහතා පැවසීය.
අමාත්‍යවරයා වැඩිදුරටත් කියාසිටියේ,
‘මේ ජනතාව තවදුරටත් පාරවල්වල දුක් වි‍‍ඳිය යුතු නෑ. සංඛා ලේඛන අනුව 600කට ආසන්න ප්‍රමාණයක් කොළඹ නගරයේ හා ඒ අවට ප්‍රදේශවල කිසිවක් කරකියා ගත නොහැකිව ඉන්නවා.අධිකරණය වෙතින්ද අපි ඉල්ලා සිටින්නේ ඔවුන් අප වෙත භාර දෙන ලෙසයි. අපි ඒ අයව විධිමත් ලෙස පුනරුත්තාපනයට කටයුතු කරනවා. යාචක වෘත්තීයේ නියෙලෙන අයගෙන් මම කාරුණිකව ඉල්ලා සිටිනවා එයින් ඉවත්වන්නට.“
