අධිකරණය නිකුත් කළ වාරණ නියෝග කඩ කිරීම සහ ඇප කොන්දේසි
උල්ලංඝණය කිරීම යන චෝදනාවලට පසුගිය දා අන්තර් විශ්වවිද්‍යාලයීය ශිෂ්‍ය බලමණ්ඩලයේ කැඳවුම්කරු ළහිරු වීරසේකර සහ අන්තර් විශ්වවිද්‍යාලයීය භික්ෂු බලමණ්ඩලයේ කැඳවුම්කරු පූජ්‍ය ටැම්පිටියේ සුගතානන්ද හිමි රක්ෂිත බන්ධනාගාර ගත කර තිබුණි.
කොල්ලුපිටිය පොලීසිය මඟින් පවරන ලද නඩුවකට අදාළව ඔවුහු පසුගිය 12 දින කොටුව මහේස්ත්රාත් අධිකරණය හමුවේ පෙනී සිටියහ.
එහිදී අධිකරණ නියෝග නොතකමින් කොළඹ කොටුව සහ කොල්ලුපිටිය ආශ්‍රිතව විරෝධතා සිදුකිරීම සම්බන්ධයෙන් පොලීසිය අධිකරණය හමුවේ කරුණු දක්වා තිබූ අතර එම කරුණු සැලකිල්ලට ගත් කොටුව මහේස්ත්රාත් ලංකා ජයරත්න මෙනවිය සැකකාර ළහිරු වීරසේකර සහ ටැම්පිටියේ සුගතානන්ද හිමි පසුගිය 26 දින දක්වා රක්ෂිත බන්ධනාගාර ගත කිරීමට නියෝග කර තිබුණි.
යළිත් පසුගිය 26 දින අදාළ නඩුව කැඳවූ අවස්ථාවේදී ඔවුන් අද දිනය දක්වා රක්ෂිත බන්ධනාගාර ගත කර තිබුණි.
